Dev Deepawali: 'लाखो दिव्यांनी' उजळलं Amritsar मधील Golden Temple, Puri पासून Delhi पर्यंत उत्साह

आज देशभरात कार्तिक पौर्णिमेचा (Kartik Purnima) उत्साह पाहायला मिळत आहे. ओडिशातील (Odisha) पुरीपासून (Puri) ते दिल्लीतील इंडिया गेटपर्यंत (India Gate) सर्वत्र दिवे आणि रोषणाईचा झगमगाट आहे. मंदिरांना आकर्षक विद्युत रोषणाई करण्यात आली आहे तर दिल्लीच्या इंडिया गेट इथे सुद्धा नागरिकांनी खास चंद्र पाहण्यासाठी गर्दी केल्याचं पाहायला मिळतंय. कार्तिक पौर्णिमेला देव दिवाळी (Dev Deepawali) असेही म्हटले जाते. यानिमित्ताने अमृतसरमधील सुवर्ण मंदिर (Golden Temple) लाखो दिव्यांनी उजळून निघाले आहे. तर दुसरीकडे, ओडिशाच्या पुरीच्या किनाऱ्यावर भाविकांनी बोटी तरंगवून (Boita Bandana) आणि दीपदान करून हा उत्सव साजरा केला. दिल्लीतील इंडिया गेट परिसरातही पौर्णिमेचा चंद्र पाहण्यासाठी नागरिकांनी मोठी गर्दी केली होती.