Delhi Blast: लालकिल्ला स्फोटात १२ ठार, Jaish-e-Mohammed चा हात असल्याचा पोलिसांना संशय.

दिल्लीतील लालकिल्ला मेट्रो स्टेशनजवळ झालेल्या भीषण कार स्फोटात मृतांचा आकडा १२ वर पोहोचला आहे, तर अनेक जण जखमी झाले आहेत. या हल्ल्यामागे जैश-ए-मोहम्मद (Jaish-e-Mohammed) या दहशतवादी संघटनेशी संबंधित 'व्हाइट कॉलर' टेरर मॉड्युलचा हात असल्याचा संशय दिल्ली पोलिसांच्या सूत्रांनी व्यक्त केला आहे. दिल्ली पोलीस आयुक्त सतीश गोलचा यांनी सांगितले की, 'संध्याकाळी सुमारे ६:५२ वाजता, लाल दिव्यावर थांबलेल्या एका गाडीत स्फोट झाला, ज्यामुळे जवळच्या वाहनांचेही नुकसान झाले'. या प्रकरणी डॉ. उमर मोहम्मद (Dr. Umar Mohammad) हा मुख्य संशयित असून, तो स्फोट झालेल्या गाडीत होता आणि त्याचा मृत्यू झाल्याची शक्यता वर्तवण्यात येत आहे. पोलिसांनी याप्रकरणी UAPA अंतर्गत गुन्हा दाखल करून तपास सुरू केला आहे.