Director Rob Reiner Wife Murder Case: सुप्रसिद्ध दिग्दर्शकाला पत्नीसह संपवलं; राहत्या घरात रक्ताच्या थारोळ्यात आढळले मृतदेह, पोटच्या पोरावरच पोलिसांची संशयाची सुई
Director Rob Reiner Wife Murder Case: पोलिसांकडून दिग्दर्शक आणि त्यांच्या पत्नीच्या खुनाचा तपास सुरू आहे. पोलिसांनी आतापर्यंत केलेल्या चौकशीत संशयाची सुई वारंवार दिग्दर्शकाच्या थोरल्या मुलाकडेच जात होती
Director Rob Reiner Wife Murder Case: दिग्गज दिग्दर्शकाच्या (Director) मृत्यूच्या वृत्तानं खळबळ माजली आहे. सुप्रसिद्ध ऑस्कर नॉमिनेटेड दिग्दर्शक रॉब रेनर (Oscar Nominated Director Rob Reiner) आणि त्यांची पत्नी मिशेल सिंगर रेनर (Michele Singer Reiner) यांचा मृत्यू झाल्याची माहिती मिळत आहे. मीडिया रिपोर्टनुसार, दिग्दर्शक रॉब रेनर (Rob Reiner) आणि त्यांची पत्नी दोघांचे मृतदेह त्यांच्या राहत्या घरात रक्ताच्या थारोळ्यात पडलेले आढळून आले. रॉब रेनर यांच्या कुटुंबीयांनी शोक व्यक्त करणारं निवेदन जारी केलं आहे. तसेच, कुटुंबीयांच्या प्रायव्हसीचं भान राखण्याचंही आवाहन केलं आहे. दरम्यान, पोलीस या प्रकरणी कसून चौकशी करत आहेत. तसेच, दिग्दर्शक आणि त्यांच्या पत्नीच्या खुनाचा तपास सुरू आहे. पोलिसांनी आतापर्यंत केलेल्या चौकशीत संशयाची सुई वारंवार दिग्दर्शकाच्या थोरल्या मुलाकडेच जात होती, त्यामुळे पोलिसांनी दिग्दर्शक रॉब रेनर यांचा मुलगा निक रेनर याला अटक केली आहे.
रॉब रेनर आणि त्यांची पत्नी मिशेल सिंगर रेनर यांची 14 डिसेंबर रोजी चाकूनं सपासप वार करून हत्या करण्यात आलेली. दोघांचेही मृतदेह त्यांच्या राहत्या घरात रक्ताच्या थारोळ्यात पडलेले आढळून आले. पोलिसांकडून या प्रकरणाची कसून चौकशी सुरू आहे. अशातच या प्रकरणी वारंवार संशयाची सुई त्यांच्या मुलाकडेच येत होती, त्यामुळे पोलिसांनी तात्काळ त्याला अटक केली आहे. पीपल मासिकानं सूत्रांच्या हवाल्यानं दिलेल्या वृत्तानुसार, निकनं त्याच्या पालकांनी हत्या केली. दरम्यान, पोलिसांनी अद्याप या प्रकरणावर कोणतीही प्रतिक्रिया दिलेली नाही.
रॉब रेनर, मिशेल सिंगर रेनर यांनी 1989 मध्ये थाटलेला संसार (Rob Reiner Michele Singer Reiner Death)
78 वर्षीय रॉब रेनर आणि 68 वर्षीय मिशेल सिंगर रेनर यांच्या हत्येची माहिती सुरुवातीला गुप्त ठेवण्यात आली होती. पण, माध्यमांनी त्यांच्या मृत्यूच्या बातमीची पुष्टी केली. दोघेही राहत्या घरात रक्ताच्या थारोळ्यात पडलेले आढळून आले. दोघांच्याही शरीरावर चाकूनं सपासप वार करण्यात आलेले. रॉब आणि मिशेल यांनी 1989 मध्ये लग्न केलं आणि त्यांना दोन मुलं झाली. रॉब यांनी हॉलिवूडमधील अनेक चित्रपटांचे दिग्दर्शन, निर्मिती आणि अभिनय केला. त्यांनी 'व्हेन हॅरी मेट सॅली', 'मिसरी' आणि 'अ फ्यू गुड मेन' यासह अनेक गाजलेल्या सिनेमांचं दिग्दर्शन केलेलं.
मीडिया रिपोर्टनुसार, निक आणि त्याच्या वडिलांचे संबंध फारसे चांगले नव्हते. एका जुन्या मुलाखतीत निकनं कबूल केलेलं की, 2015 मध्ये आलेल्या 'बीइंग चार्ली' चित्रपटात त्याच्या वडिलांसोबत काम केल्यानंतर ते जवळ आलेते एकमेकांशी बोलू लागलेले. निकनं 'बीइंग चार्ली'ची कथा लिहिली आणि त्याच्या वडिलांनी चित्रपटाचं दिग्दर्शन केलेलं. दरम्यान, निकनं दोघांचीही हत्या केली की नाही याबद्दल अद्याप कोणतीही माहिती समोर आलेली नाही. मिळालेल्या माहितीनुसार, निकला पोलिसांनी अटक केली असून त्याची कसून चौकशी सुरू आहे.
महत्त्वाच्या इतर बातम्या :
महत्त्वाच्या बातम्या
