Delhi Blast Umar Family : आमची मुलं कधी दिल्लीत गेलीच नाहीत, उमरच्या परिवाराचा मोठा दावा

दिल्लीतील लाल किल्ल्याजवळ (Red Fort) झालेल्या कार स्फोटात (Car Blast) नऊ जणांचा मृत्यू झाला असून, फरीदाबाद (Faridabad) नंतर आता या स्फोटाचे धागेदोरे पुलवामापर्यंत (Pulwama) पोहोचले आहेत. पोलिसांनी पुलवामामधून आमिर (Aamir), उमर (Umar) आणि तारिक (Tariq) या तिघांना ताब्यात घेतल्यानंतर या प्रकरणाला नवे वळण मिळाले आहे. 'या घटनेमध्ये वापरण्यात आलेली कार आमची नाही, आमची कार घराच्या बाहेर अजूनही उभी आहे,' असा दावा उमरच्या (Umar) कुटुंबीयांनी केला आहे. दिल्ली पोलिसांच्या (Delhi Police) तपासानुसार, स्फोट झालेल्या गाडीत कोणतेही शार्पनेल किंवा खिळे सापडलेले नाहीत, ज्यामुळे उच्च तीव्रतेच्या स्फोटकाचा वापर झाल्याचा संशय आहे. फॉरेन्सिक टीम (Forensic Team) घटनास्थळावरून नमुने गोळा करत असून, फरीदाबादच्या फतेहपूर तगा (Fatehpur Taga) आणि ध्वज (Dhauj) परिसरातही पोलिसांचे सर्च ऑपरेशन (Search Operation) सुरू आहे, जिथे नुकताच मोठा स्फोटकांचा साठा जप्त करण्यात आला होता.