नागपूर : गडचिरोलीत गेल्या 48 तासात 37 नक्षल्यांचा खात्मा

गेल्या 48 तासांत एकूण 37 नक्षलवाद्यांना कंठस्नान घालण्यात गडचिरोलीच्या सी-60 जवानांना यश आलं आहे. इंद्रावती नदीतून 15 नक्षलवाद्यांचे मृतदेह ताब्यात घेण्यात आले आहेत. तर इतर नक्षल्यांचे मृतदेह ताब्यात घेण्याचं काम सुरु आहे. गेल्या काही वर्षांतली नक्षलवाद्यांविरोधातली ही सर्वात मोठी कारवाई असल्याचं म्हटलं जातं. रविवारी दुपारी झालेल्या कोंम्बिंग ऑपरेशनमध्ये 16 नक्षलवाद्यांना ठार करण्यात आलं होतं. तर सोमवारी संध्याकाळीही आणखी सहा नक्षलवादी मारले गेल. दरम्यान, या सर्व कारवाईत जहाल नक्षलवादी कमांडरही मारले गेले आहेत. या कारवाईनंतर सी-60 च्या जवानांनी जल्लोष केल्याचं पाहायला मिळालं.