मुंबई : शरद यादव यांच्याकडून छगन भुजबळ आणि लालू यादवांची भेट, राजकीय वर्तुळात चर्चा

जेडीयूचे माजी नेते शरद यादव यांनी आज घेतलेल्या दोन भेटींनी राजकीय वर्तुळात नवीन चर्चा सुरु झाल्यात. यादव यांनी राष्ट्रवादीचे नेते छगन भुजबळ यांची भेट घेत त्यांच्या प्रकृतीची विचारपूस केली. भुजबळांच्या सांताक्रूझमधील निवासस्थानी त्यांची ही भेट झालीय. आजच त्यांनी राजदचे नेते लालूप्रसाद यादव यांचीही भेट घेतली. प्रकृतीच्या उपचारांसाठी लालूप्रसाद मुंबईत आले असता ही भेट झाली. दरम्यान आजच्या सदिच्छा भेटीगाठी असल्याचं यादव यांनी सांगितलं असं असलं तरीही देशात अघोषित आणीबाणी सुरु आहे, देशातल्या सर्व पक्षांनी भाजपविरोधात एकत्र यावं, अशी जनतेची इच्छा आहे आणि आमचाही तसाच प्रयत्न सुरु आहे, असं प्रेस कॉन्फरन्समध्ये म्हणत शरद यादव यांनी २०१९ साठी तयारी सुरु केल्याचेही संकेत दिलेत.