कल्याण : खडवलीमध्ये भातसा नदीत बुडून ठाण्यातील तिघा मित्रांचा मृत्यू

पिकनिसाठी आलेल्या तिघा युवकांचा नदीत बुडून मृत्यू झाल्याची घटना कल्याणच्या खडवली गावात घडली आहे. रोशन कामत, सुरज उदय सिंह आणि राजेश रयटा अशी मृतांची नावं आहेत. हे तिघेही ठाण्यातील वागळे इस्टेट येथील रहिवासी होते. रविवारी हे तिघे पिकनिकसाठी कल्याणच्या खडवली गावात आले होते. त्यावेळी ते पोहण्यासाठी भातसा नदीच्या पात्रात उतरले, मात्र पाण्याचा अंदाज न आल्याने हे तिघेही नदीपात्रात बुडाले.