Jayakwadi Dam | जायकवाडी धरणाचे तब्बल 8 दरवाजे उघडले, गोदावरी नदीकाठच्या गावांना सतर्कतेचा इशारा | ABP Majha

जायकवाडी धरणाचे तब्बल 8 दरवाजे उघडण्यात आलेत. धरणातून सध्या 4 हजार 144 क्यूसेकने पाण्याचा विसर्ग सुरु आहे. गोदावरी नदीकाठच्या गावांना सतर्कतेचा इशारा देण्यात आला आहे.  काल दिवसभरात 4 दरवाजे उघडण्यात आले होते. आज त्यात वाढ करून धरणाचे 8 दरवाजे अर्ध्या फुटावर उघडण्यात आले आहेत. सध्या धरणात 91.99 टक्के इतका पाणीसाठा आहे. सध्या धरणातील मुख्य दरवाजातून, डाव्या-उजव्या कालव्यातून आणि वीज निर्मिती केंद्रातून पाण्याचा विसर्ग सुरू ठेवण्यात आलाय.. हे पाणी गोदावरी नदी पात्रातून औरंगाबाद, जालना, बीड आणि परभणी जिल्ह्यातील गोदावरी नदीकाठावरील गावांची तहान भागवणार आहे.