अहमदनगर : राहुरीतून अपहरण झालेल्या मुलीची पारनेरमधून सुटका

अहमदनगर जिल्ह्यातल्या राहुरीतून 2 दिवसांपूर्वी बेपत्ता झालेली अल्पवयीन मुलगी सापडली आहे. वडीलांदेखत अपहरण करुन तिला पारनेर तालुक्यातल्या भाळवणी गावात ठेवण्यात आलं होतं. या घटनेनंतर राहुरी पोलिसांनी तातडीनं कारवाई करत आरोपींचा शोध सुरु केला. आणि भाळवणीतून मुलीची सुटका केली...आणि सागर बेर्डे नावाच्या आरोपीला ताब्यात घेतलं. सध्या या आरोपीची कसून चौकशी सुरु आहे. तसंच मुलीला आई-वडीलांच्या स्वाधीन करण्यात आलं आहे.