रावसाहेब दानवेंकडे रेल्वे राज्यमंत्रिपद, पाहा महाराष्ट्र आणि रेल्वे मंत्रालयाचं जुनं कनेक्शन!

नवी दिल्ली : केंद्रीय मंत्रिमंडळ विस्तारात पीयुष गोयल यांचं रेल्वेमंत्री पद गेलं. त्यामुळे महाराष्ट्राचा मंत्री रेल्वे मंत्रालयातून गेला खरा. पण महाराष्ट्राचं रेल्वेमंत्रालयातलं अस्तित्व मात्र दानवेंच्या रुपानं कायम राहिलं. कालच्या फेरबदलात दानवेंना ग्राहक संरक्षण राज्यमंत्रीपदावरुन रेल्वे खात्यात आणलं गेलं...त्यामुळे महाराष्ट्र आणि रेल्वे मंत्रालय हे जुनं कनेक्शनही पुन्हा स्थापित झालं. लोकांशी निगडीत असलेलं खातं मिळाल्यानं दानवेंच्या चेह-यावरही तो आनंद पदभार घेताना दिसत होता.