Sandeep Kulkarni Rajashri Deshpande on Majha Katta : 'सत्यशोधक' चित्रपटाच्या कलाकारांशी गप्पा

Sandeep Kulkarni Rajashri Deshpande on Majha Katta : 'सत्यशोधक' चित्रपटाच्या निमित्ताने संदीप कुलकर्णी, राजश्री देशपांडे 'माझा कट्टा'वर

मुंबई : खूप कमी नटांच्या नशिबात असं भाग्य असतं की समाजातल्या अत्यंत आदर्शवत व्यक्तींची भूमिका त्यांना पडद्यावर जगता येते, अनुभवता येते, साकरता येते. संदीप कुलकर्णी (Sandeep Kulkarni) आणि राजश्री देशपांडे (Rajshri Deshpande) त्या अत्यंत मोजक्या नशीबवान अभिनेत्यांपैकीच एक आहेत. सत्यशोधक (Satyashodhak) चित्रपटामध्ये संदीप देशपांडे यांनी महात्मा ज्योतिबा फुले तर राजश्री देशपांडे यांनी सावित्रीबाई फुलेंची भूमिका साकारली आहे. त्यांच्या या चित्रपटाविषयीचे अनेक किस्से त्यांनी माझा कट्ट्यावर (Majha Katta) सांगितले. 

मला स्वप्नातही वाटलं नव्हतं की मी ज्योतिबा फुले यांच्यासारखा दिसेन. पण आमच्या चित्रपटाचे लेखक संदीप जळमकर यांनी मला फुलेंचा आणि माझा फोटो मॉर्फ करुन दाखवला की तु अगदी सारखा दिसतो. तेव्हा मला कळालं की नाही ही भूमिका आपण साकारायला हवी, असं संदीप कुलकर्णी यांनी माझा कट्ट्यावर सांगितलं. सत्यशोधक या चित्रपटात संदीप कुलकर्णी यांनी ज्योतिबा फुले यांची भूमिका साकारली आहे.