WhatsApp New Updates : WhatsApp करत आहे 'या' नवीन अपडेट्सवर काम, यामुळे यूजर्सना मिळेल भन्नाट अनुभव!
WhatsApp New Updates : सध्या व्हॉट्सअॅप फ्लोटिंग अॅक्शन बटणच्या नवीन व्हर्जनवर काम करत आहे. भविष्यात अॅप अपडेटसाठी बीटा टेस्टर्सना अॅक्शन बटण उपलब्ध करून दिलं जाणार आहे.
WhatsApp New Updates : जगातील सर्वात लोकप्रिय मेसेंजर अॅप म्हणून व्हॉट्सअॅपची (WhatsApp) ख्याती आहे. यूजर्सना जास्तीत जास्त चांगली सेवा मिळावी, यासाठी व्हॉट्सअॅप नेहमी नवीन अपडेट्स आणत असते. अशातच आता व्हॉट्सअॅप नवीन अपडेट्सवर काम करत असल्याचं समोर आलं आहे. व्हॉट्सअॅपकडून नवीन फ्लोटिंग अॅक्शन बटणच्या निर्मितीवर (WhatsApp new floating action button design) काम सुरू आहे. या नवीन अपडेटमुळे व्हॉट्सअॅप अॅप्लिकेशनमध्ये मोठा बदल होण्याची शक्यता आहे. कारण यापूर्वीच कंपनीकडून Android version 2.23.10.6 साठी व्हॉट्सअॅप बीटा रिलीज करण्यात आला, ज्यामध्ये बॉटम नेव्हिगेशन बारसोबत रिडिझाइन केलेला इंटरफेस उपलब्ध करून देण्यात आला आहे. Gizmochina या चीनी वृत्तपत्रातील एका बातमीनुसार, व्हॉट्सअॅपचा हा बदल या गोष्टींचे संकेत देत आहे की, व्हॉट्सअॅप लहान किंवा मोठी पाऊलं टाकत आहे. यामुळे कंपनी आपल्या पूर्ण अॅपलाच नवीन डिझाइनमध्ये लाँच करणार आहे.
नवीन अपडेट्सबद्दल असं समजलं
अॅपच्या रिडिझाइनची शक्यता तेव्हाच निर्माण झाली जेव्हा Android version 2.23.12.3 अपडेटसाठी WhatsApp beta वर टेस्टिंगसाठी उपलब्ध देण्यात आले होते. या टॉगलसाठी नवीन स्टाईल शोकेसही तयार करण्यात आले आहे. कंपनीकडून खूप छोट्या-छोट्या गोष्टींवर लक्ष दिलं जात आहे. अलिकडेच अ‌ॅण्ड्रॉईड व्हर्जन 2.23.12.15 च्या व्हॉट्सअॅप बीटा अपडेटमध्ये (WhatsApp Beta update) एक महत्त्वाचा बदल केला आहे.
यूजर्स लवकरच नवीन चॅटला करू शकतात सुरू
सध्या व्हॉट्सअॅप फ्लोटिंग अॅक्शन बटणला नवीन डिझानइनमध्ये लाँच करायच्या तयारीत आहे. हे नवीन फ्लोटिंग अॅक्शन बटण किंचित गोलाकार कडा असलेल्या चौकोनी आकाराचं असेल. हे मटेरियल डिझाइन 3 मार्गदर्शक तत्त्वांनुसार असणार आहे. हे रिडिझाइन फक्त फ्लोटिंग अॅक्शन बटणावर लागू होणार नाही, तर कॉल आणि स्टेटस टॅबवरील बटणांना देखील लागू होणार आहे.
सध्या प्राथमिक अवस्थेत आहे अपडेट
सध्या फ्लोटिंग अॅक्शन बटणच्या नवीन व्हर्जनवर काम करत आहे. भविष्यात अॅप अपडेटसाठी बीटा टेस्टर्सना अॅक्शन बटण उपलब्ध करून दिलं जाईल. कंपनीला यूजर्सकडून नवीन इंटरफेसची रिक्वेस्टही मिळत आहेत. असं मानलं जात आहे की, कंपनीकडून यूजर्सच्या या रिक्वेस्टचाही गांभिर्याने विचार केला जातो. या इंटरफेस रिडिझाइन व्यतिरिक्त कंपनी अनेक नवीन फिचर्सवर काम करत आहे. या अॅपच्या बीटा व्हर्जनमध्ये हाय क्वालिटी फोटो शेअरिंगचा समावेश आहे. यामुळे तु्म्ही फोटो इफेक्टचा वापर न करता HD दर्जाचे फोटो शेअर करू शकाल. यासोबत कंपनी अॅण्डॉईड यूजर्ससाठी स्क्रीन शेअरिंग फीचरवर देखील काम करत आहे.
इतर बातम्या वाचा :
महत्त्वाच्या बातम्या
