UPI Apps : Gpay, Paytm आणि Phonepe वापरणाऱ्या 90 टक्के लोकांना पेमेंटची 'ही' सोपी ट्रिक माहित नाही, तुम्हाला माहित आहे का?
Gpay, Paytm आणि Phonepe अॅप वारंवार उघडताना आणि बंद करताना आपल्या सर्वांना त्रास सहन करावा लागतो. पण आज आम्ही तुम्हाला ही समस्या टाळण्याचा सोपा मार्ग सांगत आहोत.
UPI Apps : आपण सर्व UPI App वापरत असाल. जीपे, पेटीएम आणि फोनपे सोबत 3 यूपीएआय अॅप्स भारतात (Online payment) खूप लोकप्रिय आहेत. हे अ ॅप्स वापरताना तुमच्या सगळ्यांना एक प्रॉब्लेम आला असेल की जेव्हा तुम्ही दुकानात किंवा स्टोअरमध्ये क्यूआर कोडने पेमेंट करायचं ठरवता तेव्हा तुम्हाला हे अॅप्स पुन्हा पुन्हा उघडून पैसे द्यावे लागतात. जर तुम्ही दिवसातून 10 वेळा यूपीआय अॅप्स वापरत असाल तर क्यूआर कोडद्वारे किमान 7 ते 8 पेमेंट केले जाते. अॅप वारंवार उघडताना आणि बंद करताना आपल्या सर्वांना त्रास सहन करावा लागतो. पण आज आम्ही तुम्हाला ही समस्या टाळण्याचा सोपा मार्ग सांगत आहोत.
फॉलो करा ही ट्रिक-
यूपीआय अ ॅप्स वारंवार उघडू नयेत यासाठी तुम्हाला या अॅप्सचा क्यूआर स्कॅनर शॉर्टकट होमस्क्रीनवर ठेवावा लागेल. यासाठी तुम्हाला कोणतेही यूपीआय अॅप बराच वेळ प्रेस करुन ठेवावा लागेल. यानंतर तुम्हाला अनेक पर्याय दिसू लागतील, त्यापैकी एक पर्याय असेल 'Scan ANy QR code'. या पर्यायावर टॅप करा आणि होमस्क्रीनवर ड्रॅग करा. असे होईल की तुम्ही इथून थेट कोणताही क्यूआर कोड स्कॅन करून पैसे भरू शकाल. म्हणजेच तुम्हाला आता अॅप ओपन करायची गरज नाही. तुम्ही शॉर्टकटवर क्लिक करुन पेमेंट करु शकाल.
मात्र, यूपीआय अॅपमध्ये पासवर्ड असेल तर शॉर्टकट उघडण्यापूर्वी पासवर्ड टाकावा लागतो, तसेच तो बंद असल्यास कॅमेऱ्याची परवानगी द्यावी लागते. त्याचप्रमाणे अॅपशी संबंधित होमस्क्रीनवर तुम्ही इतर शॉर्टकट जोडू शकता. जसे की मोबाइल रिचार्ज, पैसे पाठवणे, बॅलन्स आणि हिस्ट्री वगरे. यामुळे तुमचं पेमेंट सोपं होईल आणि त्रासही वाचेल.
चुकीच्या अकाऊंटमध्ये पैसे ट्रान्सफर झाल्यास काय कराल?
तुम्ही घाईघाईत चुकीच्या UPI आयडीवर पैसे ट्रान्सफर केले असल्यास, सर्वप्रथम तुम्हाला GPay, PhonePe, Paytm किंवा UPI अॅपच्या कस्टमर केअर सपोर्टला कॉल करून माहिती द्यावी लागेल. तुम्ही कोणत्या चुकीच्या UPI आयडीने चुकून किती पैसे ट्रान्सफर केले हे तुम्हाला सांगावे लागेल.
NPCI (National Payments Corporation of India) पोर्टलवर तक्रार कशी करावी?
UPI अॅपच्या कस्टमर केअर सपोर्टकडून तुम्हाला कोणत्याही प्रकारची मदत न मिळाल्यास तुम्ही NPCI पोर्टलवर जाऊन तुमची तक्रार नोंदवू शकता.
अशा प्रकारे तुमची तक्रार नोंदवा
- सर्व प्रथम NPCI च्या अधिकृत वेबसाइटवर जा.
- येथे तुम्हाला What we do नावाचा पर्याय दिसेल, त्यावर क्लिक करा.
- यानंतर एक नवीन पेज उघडेल, त्या पेजवरील UPI वर क्लिक करा.
- नंतर Dispute Redressal Mechanism वर क्लिक करावे लागेल.
- यानंतर तुम्हाला तक्रार विभाग दिसेल
- आता तुम्हाला व्यवहाराचे स्वरूप निवडावे लागेल.
- आता तुम्हाला इश्यू सेक्शनमध्ये "Incorrectly transferred to another account" निवडावे लागेल. यासोबतच तुम्हाला सर्व माहिती नीट भरून तुमची तक्रार नोंदवावी लागेल.
इतर महत्वाची बातमी-
महत्त्वाच्या बातम्या
