संगकाराच्या ड्रीम टीममध्ये सचिनचा समावेश नसल्याने फॅन्स संतप्त, संगकाराचं उत्तर

संगकाराची ड्रीम टीमः मॅथ्यू हेडन, राहुल द्रविड, ब्रायन लारा, रिकी पाँटींग, अरविंद डी सिल्व्हा (कर्णधार), जॅक कॅलिस, अॅडम गिलख्रिस्ट(विकेटकिपर), शेन वॉर्न, मुथ्थैय्या मुरलीधरन, वसीन अक्रम, चमिंडा वास

संगकाराने आपल्या ड्रीम टीममध्ये क्रिकेटचा देव मानल्या जाणाऱ्या मास्टर ब्लास्टर सचिन तेंडुलकरला बाहेर ठेवलं आहे. त्यामुळे सचिनचे सर्व फॅन्सला धक्काच बसला आहे.

जगातील दिग्गज क्रिकेटपटूंनी आपली ड्रीम टीम तयार केली आहे. श्रीलंकेचा माजी कर्णधार कुमार संगकाराने देखील आपली ड्रीम टीम जाहीर केली आहे. मात्र यामध्ये आश्चर्यकारक निर्णय घेतले आहेत.

एवढंच नव्हे तर संगकाराने श्रीलंकेचा महान खेळाडू महेला जयवर्धनेला देखील जागा दिली नाही. संगकारा आणि जयवर्धने यांच्या मते, अरविंद डी सिल्व्हा हा या जागेसाठी उत्तम खेळाडू आहे.

संगकाराने त्याच्या ड्रीम टीममध्ये 'दी वॉल' राहुल द्रविडचा समावेश केला आहे.

सचिनच नाही तर सेहवाग देखील महान खेळाडू आहे. विराट कोहली देखील भविष्यात या दोघांपेक्षा चांगला खेळाडू बनू शकतो, त्यामुळे सर्वांनाच टीममध्ये घेतलं जाऊ शकत नाही, असं संगकाराने म्हटलं आहे.

सोशल मीडियावर फॅन्सच्या टिकेचा सामना केल्यानंतर संगकाराने यावर स्पष्टीकरण दिलं आहे.