Tokyo Olympics: पंतप्रधान मोदींकडून गोल्फर अदिती अशोकच्या पाठीवर कौतुकाची थाप; राष्ट्रपती, क्रीडा मंत्री यांनीही केली प्रशंसा

अदितीने टोकियो ऑलिम्पिकमध्ये महिलांच्या वैयक्तिक स्ट्रोक प्ले इव्हेंटमध्ये चौथे स्थान मिळवले. चौथ्या आणि अंतिम फेरीच्या शेवटच्या क्षणांमध्ये झालेल्या काही चुकांमुळे अदितीला पदकापासून मुकली.

संग्रहित छायाचित्र

Tokyo Olypmpics: टोकियो ऑलिम्पिकमध्ये चमकदार कामगिरी करणाऱ्या भारताच्या 23 वर्षीय महिला गोल्फर अदिती अशोकचे सर्व बाजूंनी कौतुक होत आहे. राष्ट्रपती रामनाथ कोविंद, पंतप्रधान नरेंद्र मोदी आणि क्रीडा मंत्री अनुराग ठाकूर यांनी अदितीच्या कामगिरीचे कौतुक केले आहे. अदितीने टोकियो ऑलिम्पिकमध्ये महिलांच्या वैयक्तिक स्ट्रोक प्ले इव्हेंटमध्ये चौथे स्थान मिळवले. चौथ्या आणि अंतिम फेरीच्या शेवटच्या क्षणांमध्ये झालेल्या काही चुकांनी अदितीला पदकापासून दूर नेले. ती तीन फेऱ्यांच्या पदकाच्या शर्यतीत राहिली.

चौथ्या स्थानालाही प्रत्येक अर्थाने अदितीसाठी स्तुत्य म्हटले पाहिजे. तिचे दुसरे ऑलिम्पिक खेळत असलेल्या अदिती रिओ ऑलिम्पिकमध्ये 41 व्या स्थानी राहिली होती. पण टोकियोमध्ये आदितीने सुरुवातीपासूनच चमकदार कामगिरी केली आणि तिसऱ्या फेरीच्या अखेरपर्यंत टॉप -3 मध्ये राहिली.

23 वर्षीय अदितीच्या आधी कोणत्याही भारतीयाने हा टप्पा गाठला नाही. तिने चार फेऱ्यांमध्ये 15 अंडरस्कोर 269 गोळा केले. याअगोदार भारतासाठी नेमबाज अभिनव बिंद्रा, जिम्नॅस्ट दीपा कर्माकर आणि नेमबाज जॉयदीप कर्माकर यांनी मिळवलेल्या यशासोबत अदितीची कामगिरी प्रत्येक बाबतीत जुळते.

राष्ट्रपतींनी केले कौतुक
अदितीच्या या कामगिरीचे कौतुक करताना राष्ट्रपतींनी ट्विट करून म्हटले, छान खेळली अदिती अशोक. भारताच्या आणखी एका मुलीने आपला ठसा उमटवला. तुम्ही आजच्या ऐतिहासिक कामगिरीने भारतीय गोल्फला नवीन उंचीवर नेले आहे. तुम्ही खूप शांतपणे आणि सुंदरपणे खेळलात. संयम आणि कौशल्याच्या प्रभावी प्रदर्शनाबद्दल अभिनंदन.

Well played, Aditi Ashok! One more daughter of India makes her mark!

You have taken Indian golfing to new heights by today's historic performance. You have played with immense calm and poise. Congratulations for the impressive display of grit and skills.

— President of India (@rashtrapatibhvn) August 7, 2021

जागतिक नंबर एक असलेल्या अमेरिकेच्या एलपीजीए चॅम्पियन नेली कोर्डाने 17-अंडरस्कोर 267 गुणांसह या स्पर्धेचे सुवर्णपदक जिंकले, तर रौप्यपदक जपानच्या मोने इनामीला मिळाले. मोनेने तिसऱ्या स्थानासाठी प्लेऑफ सामन्यात न्यूझीलंडच्या लिडियाचा पराभव केला.

पंतप्रधान मोदी म्हणाले..
पंतप्रधान मोदींनी देखील अदितीच्या कामगिरीचे कौतुक केले आणि म्हणाले, "वेल प्लेड अदिती अशोक. टोकियो ऑलिम्पिक दरम्यान तुम्ही प्रचंड कौशल्य आणि दृढनिश्चय दाखवला. एक पदक थोडक्यात हुकले. परंतु, तुम्ही खूप पुढे गेला आहात. तुमच्या भविष्यातील प्रयत्नांसाठी शुभेच्छा."

भारताच्या ऑलिम्पिक इतिहासात असे अनेक प्रसंग आले आहेत. जेव्हा आपले खेळाडू खूप कमी फरकाने पदकांपासून वंचित राहिले आहेत. त्यात अदितीचे नावही जोडले गेले आहे. अदितीने निःसंशयपणे चौथा क्रमांक मिळवला. पण तिची कामगिरी केवळ भारतीय गोल्फमध्येच नाही तर ऑलिम्पिक कामगिरीच्या दृष्टीनेही मैलाचा दगड आहे. याला सर्वोच्च श्रेणीत ठेवले जाईल आणि जेव्हाही महिला खेळाडूच्या ऑलिम्पिक कामगिरीची चर्चा होईल तेव्हा अदितीचे नाव नक्कीच घेतले जाईल.

Well played @aditigolf! You have shown tremendous skill and resolve during #Tokyo2020. A medal was narrowly missed but you’ve gone farther than any Indian and blazed a trail. Best wishes for your future endeavours.

— Narendra Modi (@narendramodi) August 7, 2021

तुम्ही इतिहास घडवला - क्रीडा मंत्री
अदितीच्या प्रयत्नांना सलाम करत क्रीडामंत्र्यांनी ट्वीट केले, "ऑलिम्पिकमध्ये खेळात चौथ्या स्थानावर राहिलेली भारताची पहिली महिला गोल्फर अदिती अशोक टोकियो 2020 मध्ये तिच्या उत्तम कामगिरीसाठी प्रशंसनीय आहे. तुम्ही शेवटपर्यंत चांगला खेळ दाखवत आम्हाला आमचा श्वास रोखून धरण्यासाठी भाग पाडले. तुम्ही इतिहास घडवला आहे, तुम्हाला भविष्यासाठी शुभेच्छा."