CAS ने विचारले तीन महत्वाचे प्रश्न; चेंडू आता विनेश फोगाटच्या कोर्टात, भारताला रौप्य पदक मिळणार?

Vinesh Phogat: विनेश फोगाटने शानदार कामगिरी करत 50 किलो वजनी गटात अंतिम फेरी गाठली होती.

Paris Olympics 2024

Source : Paris Olympics 2024

Vinesh Phogat: भारताची कुस्तीपटू  विनेश फोगटचा (Vinesh Phogat) हिच्या 50 किलो वजनी गटातील अपात्रतेबाबतचा निकाल आंतरराष्ट्रीय क्रीडा कोर्टाने (सीएएस) पॅरिस ऑलिम्पिक (Paris Olympics 2024) संपल्यानंतर म्हणजेच 13 ऑगस्टपर्यंत (मंगळवार) राखून ठेवण्याचा निर्णय घेतला आहे. मंगळवारी सायंकाळी सहापर्यंत याप्रकरणी निकाल जाहीर करण्यात येणार आहे.

विनेश फोगाटने शानदार कामगिरी करत 50 किलो वजनी गटात अंतिम फेरी गाठली होती. अंतिम सामन्यापूर्वी तिचे वजन 100 ग्रॅम जास्त असल्याचे आढळून आले. त्यानंतर तिला स्पर्धेसाठी अपात्र ठरवण्यात आले. या निर्णयाविरोधात विनेशने आंतरराष्ट्रीय क्रीडा कोर्टात याचिका दाखल केली होती. विनेशचे अपील स्वीकारण्यात आले. केंद्र सरकारने विनेशची बाजू मांडण्यासाठी अॅड. हरीश साळवे यांची नियुक्ती करण्यात आली आहे.

सीएएसने विनेशला विचारले तीन प्रश्न-

विनेश फोगटच्या प्रकरणात अद्याप निर्णय झालेला नाही. पॅरिस ऑलिम्पिक 2024 दरम्यान सुवर्णपदकाच्या सामन्यापूर्वी विनेशला अपात्र ठरवण्यात आले होते. याप्रकरणी विनेशने सीएएसकडे दाद मागितली होती. परंतु सीएएसने अद्याप निर्णय घेतलेला नाही. सीएएसने विनेशला ई-मेलद्वारे तीन प्रश्नांची उत्तरे मागितली आहेत. यातील पहिला प्रश्न, तुला दुसऱ्या दिवशीही वजन करावे लागेल या नियमाची जाणीव होती का? दुसरा प्रश्न रौप्य पदकाशी संबंधित आहे. विनेशला विचारण्यात आले आहे की, क्यूबन कुस्तीपटू तुमच्यासोबत रौप्य पदक शेअर करेल का? आणि तुम्हाला या अपीलचा निर्णय सार्वजनिकपणे जाहीर करायचा आहे की गोपनीय पद्धतीने तो जाहीर करायचा आहे?, असा सवाल विनेशला विचारण्याली माहिती समोर येत आहे.

भारताला एकूण 6 पदके-

पॅरिस ऑलिम्पिक 2024 मध्ये भारताने एकूण 6 पदके जिंकली आहेत. 5 कांस्य आणि 1 रौप्य पदके आहेत. नीरज चोप्राने भालाफेकमध्ये रौप्य पदक जिंकले. भारतीय हॉकी संघाने कांस्यपदक जिंकले होते. नेमबाजीत देशाला तीन पदके मिळाली आहेत. हे तिन्ही कांस्य पदके आहेत. कुस्तीतूनही पदक मिळाले आहे. अमन सेहरावतने कुस्तीत कांस्य पदक जिंकले आहे.

विनेशला जगभरातून पाठिंबा

जगभरातील अनेकांनी विनेश फोगाटला पाठिंबा दर्शविला आहे, तसेच काही जणांनी तिला रौप्य पदक देण्याची मागणीही केली आहे. त्यात अमेरिकेचा सहावेळा जगज्जेतेपद पटकावणारा कुस्तीपटू जॉर्डन बुरोज यांचाही समावेश आहे. त्यानी विनेशला पाठिंबा देत तिला रौप्यपदक देण्याची मागणी केली होती. जपानचा सुवर्णपदक विजेता कुस्तीपटू रेई हिंगुची यानेही विनेशचे दुःख समजू शकतो असे म्हटले आहे. भारतातून रौप्यपदक विजेता
भालाफेकपटू नीरज चोप्रा, हॉकीपटू पी. आर. श्रीजेश, बीजिंग ऑलिम्पिक सुवर्णपदक विजेता नेमबाज अभिनव बिंद्रा, माजी क्रिकेटपटू सचिन तेंडुलकर यांनीही विनेशला पाठिबा दर्शविला.

सीएएसचं काम कसं चालतं?

पहिलं ऑलिम्पिकमध्ये 1896 मध्ये ग्रीसमध्ये खेळवलं गेलं होतं. मात्र, यानंतर काही वर्षांनी वाद निर्माण झाले होते. काही खेळाडूंनी नियमांबाबत प्रश्न उपस्थित केले होते. या वादांवर निर्णय घेण्यासाठी 'कोर्ट ऑफ आर्बिट्रेशन फॉर स्पोर्ट्स' ची निर्मिती करण्यात आली होती. सीएएसची स्थापना1984 करण्यात आली होती. याचं मुख्यालय स्वित्झरलँडमध्ये आहे. ही एक स्वायत्त संस्था असून निर्णय स्वतंत्रपण घेत असते.   

संबंधित बातमी: