IPL 2022 : खराब फॉर्मनंतरही विराट कोहलीने केला भीमपराक्रम 

IPL 2022 Marathi news: विराट कोहली मागील काही दिवसांपासून खराब फॉर्ममध्ये आहे. विराटच्या बॅटमधून धावा निघत नाहीत.

Virat Kohli

Source : PTI

IPL 2022 Marathi news: विराट कोहली मागील काही दिवसांपासून खराब फॉर्ममध्ये आहे. विराटच्या बॅटमधून धावा निघत नाहीत. पंजाबविरोधातही विराट कोहलीला मोठी खेळी करण्यात अपयश आले. पण विराट कोहलीने आयपीएलमध्ये मोठा पराक्रम केलाय. धोनी, रोहित शर्मा यांनाही हा पराक्रम करता आला नाही. विराट कोहलीने आयपीएलमध्ये 6500 धावांचा पल्ला पार केलाय. आयपीएलमध्ये साडेसहा हजार धावांचा टप्पा पार करणारा विराट कोहली पहिला फलंदाज ठरलाय. 

पंजाब किंग्सने दिलेल्या 210 धावांच्या आव्हानाचा पाठलाग करताना आरसीबीची सरुवात खराब झाली. फाफ डु प्लेसिस आणि विराट कोहली झटपट माघारी परतले. विराट कोहली 14 चेंडूत 20 धावा काढून बाद झाला. या छोटेशा खेळीतही विराट कोहलीने भीमपराक्रम केलाय. विराट कोहलीने आयपीएल करिअरमध्ये 6500 धावांचा टप्पा पार केलाय. 

आयपीएलमध्ये 6500 धावा करणारा विराट कोहली पहिला फलंदाज आहे. इतकेच नाही तर फ्रेंचाइजी टी20 लीगमध्ये इतक्या धावा काढणारा विराट एकटाच फलंदाज आहे. तसेच एकाच फ्रेंचाइजीकडून इतक्या धावा काढणाराही विराट कोहली एकमेव फलंदाज आहे. 

आयपीएलमध्ये सर्वाधिक धावा करणारे फलंदाज -
विराट कोहली - 6519
शिखर धवन  6186
डेविड वॉर्नर  - 5876
रोहित शर्मा - 5829
सुरेश रैने - 5528
एबी डिव्हिलिअर्स - 5162
 
कोहलीची आयपीएलमधील कामगिरी -
विराट कोहलीने आरसीबीकडून खेळताना 218 सामन्यातील 212 डावात 36.51 च्या सरासरीने 6519 धावा केल्या आहेत. यामध्ये पाच शतके आणि 43 अर्धशतके आहेत. विराट कोहलीने आयपीएलमध्ये आतापर्यंत 214 षटकार आणि 566 चौकार लगाववे आहेत.

यंदाच्या हंगामातील विराट कोहलीची कामगिरी - 
यंदाच्या हंगामात विराट कोहलीला आपल्या लौकिकास साजेशी कामगिरी करता आलेली नाही. विराट कोहलीने 13 सामन्यात एका अर्धशतकासह 236 धावा केल्या आहेत. विराट कोहली यंदाच्या हंगामात तीन वेळा डक बाद झालाय.

हे देखील वाचा-