Virat Kohli : ज्या-ज्या वेळी शून्यावर बाद त्या-त्या वेळी विराट हसत मैदानाबाहेर,कोहलीच्या या 'हास्या'मागे खरं कारण काय?
अव्वल दर्जाचा क्रिकेटपटू विराट कोहली (Virat Kohli) मागील काही काळापासून खराब फॉर्ममध्ये दिसत आहे. 70 शतकं लगावणाऱ्या विराटने 2019 नंतर एकही शतक लगावलेलं नाही.
Virat in IPL 2022 : जागतिक क्रिकेटचा किंग अशी रॉयल ओळख असणाऱ्या विराट कोहलीचा फॉर्म मागील काही काळापासून असा काही हरवला आहे, की तो सापडता सापडत नाहीये. विराटला त्याचा दमदार सूर गवसत नसल्याने टीकाकारांची झुंबड उडालीच आहे. या सर्वाचा सामना करताना विराट अनेकदा खचताना दिसत आहे. सध्या सुरु असलेल्या आय़पीएल 2022 (IPL 2022) स्पर्धेत तर आतापर्यंत तीन वेळा विराट शून्यावर बाद झाला आहे. पण या अवघड काळातही बाद झाल्यावर विराट एक हलकीशी स्माईल देत मैदानाबाहेर शांतपणे जाताना दिसतो. याच हसण्यामागील खरं कारण आता समोर आलं आहे.
आरसीबी (RCB) संघाच्या एका सोशल मीडियावरील एका मनोरंजन व्हिडीओमध्ये विराटची मुलाखत घेण्यात आली. यावेळी विराट म्हणाला, ''माझ्यासोबत आतापर्यंत असं कधीच घडलं नव्हतं. त्यामुळे क्रिकेटने मला सगळं दाखवल्याने मी साऱ्याकडे स्माईल देत पाहत आहे.'' याचवेळी बोलताना विराटने टीकाकारांना उत्तर न देत बसता अशावेळी टीव्हीचा आवाज बंद करतो किंवा अशा लोकांच्या बोलण्याकडे लक्षच देत नाही, असं देखील म्हणाला आहे.
संपूर्ण मुलाखत पाहा -
IPL 2022 विराट कोहलीचे प्रदर्शन
आयपीएलच्या 15 व्या हंगामात विराट कोहलीचे प्रदर्शन अतिशय निराशाजनक राहिलेय. विराट कोहली यंदा तीन वेळा शून्यावर बाद झालाय. तर एक वेळा 1 धाव काढून परतलाय. कोलकाताविरोधात 12, राजस्थानविरोधात 5, दिल्लीविरोधात 12, राजस्थानविरोधात 9 धावा काढून बाद झालाय. विराट कोहलीने 11 सामन्यात 21 च्या सरासरीने आणि 111 च्या स्ट्राईक रेटने 216 धावा चोपल्या आहेत.
आयपीएलमध्ये विराट कोहली सहाव्यांदा शून्यावर बाद-
| विरुद्ध संघ | गोलंदाजाचं नाव | वर्ष |
| मुंबई इंडियन्स | आशीष नेहरा | 2008 |
| पंजाब किंग्ज | संदीप शर्मा | 2014 |
| कोलकाता नाईट रायडर्स | नाथन कुल्टर नाईल | 2017 |
| लखनौ सुपर जायंट्स | दुष्मंता चमीरा | 2022 |
| सनरायजर्स हैदराबाद | मार्को जेनसन | 2022 |
| सनरायजर्स हैदराबाद | जे सुचित | 2022 |
आयपीएल 2022 मधील विराट कोहलीचं प्रदर्शन-
1) 41*(29)
2) 12(7)
3) 5(6)
4) 48(36)
5) 1(3)
6) 12(14)
7) 0(1)
8) 0(1)
9) 9(10)
10) 58(53)
11) 30(33)
12) 0(1)
हे देखील वाचा-
महत्त्वाच्या बातम्या
ट्रेंडिंग न्यूज
