PBKS vs LSG IPL 2022 : रबाडापुढे लखनौची दाणादाण, पंजाबने 153 धावांत रोखले
PBKS vs LSG IPL 2022 Marathi News : कगिसो रबाडा आणि राहुल चाहरच्या माऱ्यापुढे बलाढ्य लखनौची भंबेरी उडाली. पंजाबच्या भेदक माऱ्यापुढे लखनौने निर्धारित 20 षटकात आठबाद 153 धावा केल्या.
PBKS vs LSG IPL 2022 Marathi News : कगिसो रबाडा आणि राहुल चाहरच्या माऱ्यापुढे बलाढ्य लखनौची भंबेरी उडाली. पंजाबच्या भेदक माऱ्यापुढे लखनौने निर्धारित 20 षटकात आठ बाद 153 धावा केल्या. लखनौकडून क्विंटन डिकॉक याने सर्वाधिक 44 धावांची खेळी केली. तर पंजाबकडून कगिसो रबाडाने चार गड्यांना तंबूत पाठवले. पंजाबला विजयासाठी 20 षटकांत 154 धावांचे आव्हान दिले आहे.
आयपीएल 2022 मध्ये शुक्रवारी पंजाब किंग्स आणि लखनौ सुपर जायंट्समध्ये यांच्यामध्ये 42 वा सामना पुण्याच्या एमसीए मैदानावर सुरु आहे. पंजाबचा कर्णधार मयांक अग्रवाल याने नाणेफेक जिंकून प्रथम गोलंदाजी कऱण्याचा निर्णय घेतला. प्रथम फलंदाजी करणाऱ्या लखनौ संघाची सुरुवात खराब झाली. फॉर्ममध्ये असलेला राहुल अवघ्या सहा धावांवर तंबूत परतला. त्यानंतर डिकॉक आणि दीपक हुडा यांनी डाव सावरला. पण दीपक हुडा 34 धावांवर धावबाद झाला. त्यानंतर लखनौचे फलंदाज एकामोगाम एक बाद होत गेले.
क्रृणाल पांड्या, मार्कस स्टॉयनिस, आयुष बडोनी यांना दहा धावांचा टप्पाही पार करता आला नाही. तर जेसन होल्डर 1 आणि चामिरा 17 जम बसल्यानंतर माघारी परतले. पंजाबकडून राबाडाने चार विकेट घेतल्या. तर राहुल चाहर याने दोन फलंदाजांना तंबूत धाडले. संदीप शर्माला एक विकेट मिळाली.
आवेश खानचे पुनरागमन -
पंजाब संघाने प्लेईंग 11 मध्ये कोणताही बदल केला आहे. मागील सामन्यातील संघ कायम ठेवला आहे. लखनौच्या संघात महत्वाचा बदल कऱण्यात आला आहे. मनिष पांडेला वगळण्यात आले आहे. तर वेगवान गोलंदाज आवेश खान याने दुखापतीनंतर संघात पुनरागमन केले आहे.
लखनौची प्लेईंग -
क्विंटन डिकॉक, केएल राहुल (कर्णधार), मार्कस स्टॉयनिस, क्रृणाल पांड्या, दीपक हुडा, आयुश बडोनी, जेसन होल्डर, दुषंता चमिरा, रवी बिश्नोई, मोहसीन खान, आवेश खान
पंजाबचे 11 किंग्स -
मयांक अग्रवाल (कर्णधार),शिखर धवन, भानुका राजपक्षे, लियाम लिव्हिंगस्टोन, जॉनी बेयस्टो, जितेश शर्मा, ऋशी धवन, कगिसो रबाडा, राहुल चाहर, अर्शदीप सिंह, संदीप शर्मा
महत्त्वाच्या बातम्या
ट्रेंडिंग न्यूज
