SRH vs PBKS, Match Highlights : पंजाब किंग्ससाठी शेवट गोड, हैदराबादवर 5 गडी राखून विजय

IPL 2022 : सनरायजर्स हैदराबाद आणि पंजाब किंग्स यांच्यात वानखेडे मैदानात पार पडलेल्या सामन्यात पंजाबने 5 विकेट्सने विजय मिळवला आहे.

Punjab Kings vs sunrisers hyderabad

SRH vs PBKS : आयपीएल 2022 (IPL 2022) मधील शेवटचा लीग सामन्यात पंजाब किंग्सने सनरायजर्स हैदराबादला (PBKS vs SRH) 5 विकेट्सने मात दिली आहे. मुंबईच्या वानखेडे मैदानात पार पडलेल्या या सामन्यात पंजाबच्या लियाम लिव्हिंगस्टोन (Liam Livingstone) याने दमदार खेळी करत संघाला एकहाती विजय मिळवून दिला. सामन्यात सनरायजर्स हैदराबादने नाणेफेक जिंकून फलंदाजीचा निर्णय घेतला. ज्यानंतर त्यांनी 157 धावा करत 158 धावांचे टार्गेट पंजाबला दिले. जे पंजाबने 5 गडी गमावत 15.1 षटकात पूर्ण केले आणि विजयश्री मिळवला.

सामन्यात प्रथम नाणेफेक जिंकत हैदराबादने फलंदाजीचा निर्णय घेतला. हा सामना सायंकाळी असून देखील हैदराबादने प्रथम फलंदाजीचा निर्णय घेतला. दुसऱ्या डावात गोलंदाजी करताना दवाची अडचण येण्याची शक्यता असतानाही हैदराबादने हा निर्णय घेतला यामागील कारण एक मोठी धावसंख्या उभी करुन पंजाबवर दबाव आणणं हे असू शकतं. पण पंजाबच्या तुफान गोलंदाजीमुळे हे हैदराबादला करता आलं नाही. त्यांच्याकडून फलंदाजांनी अतिशय सुमार फलंदाजी केल्यामुळे संघा 20 षटकात 8 विकेट्सच्या बदल्यात 157 धावाच करु शकला. ज्यामुळे आता विजयासाठी पंजाबला 158 धावांची गरज आहे.  यावेळी हैदराबादकडून अभिषेक शर्माने सर्वाधिक 43 धावा केल्या. पंजाबच्या साऱ्याच गोलंदाजांनी कमाल गोलंदाजी केली. यावेळी नॅथन अॅलीस आणि हरप्रीत ब्रार यांनी सर्वाधिक प्रत्येकी 3 विकेट्स घेतल्या. यावेळी हरप्रीतने सर्वोत्तम गोलंदाजी करत 4 ओव्हरमध्ये 26 धावा देत 3 विकेट्स घेतल्या. तर नॅथननने 4 ओव्हरमध्ये 41 धावा देत 3 विकेट्स घेतल्या. यावेळी कागिसो रबाडा याने देखील एक विकेट घेतली.

लियामची तुफान खेळी

हैदराबादने दिलेल्या 158 धावांचा पाठलाग करताना पंजाब संघाने सुरुवातीपासून दमदार खेळी केली. बेअरस्टो आणि धवनने चांगली भागिदारी केली. 23 धावा करुन बेअरस्टो बाद झाला. शिखर मात्र टिकून होता. शाहरुखने आणि जितेश यांनी प्रत्येकी 19 धावांची महत्त्वपूर्ण खेळी केली. दरम्यान लियाम याने मात्र अत्यंत तुफान खेळी केली. त्याने 22 चेंडूत नाबाद 49 धावा केल्या. यावेळी 2 चौकार आणि 5 षटकार त्याने ठोकले. ज्यामुळे पंजाबने 15.1 षटकातचं आव्हान पार करत स्पर्धेचा शेवट गोड केला. 

हे देखील वाचा-