Jos Buttler : बटलरकडे कोहली, वॉर्नरला मागे टाकण्याची संधी, फायनलमध्ये एका वादळी खेळीची गरज

GT vs RR : आज राजस्थान रॉयल्स आणि गुजरात टायटन्स यांच्यात सामना होणार आहे. या सामन्यात राजस्थान रॉयल्सचा सलामीवीर जोस बटलरला एक नवा विक्रम करण्याची संधी आहे.

 jos buttler

IPL 2022 Final : अहमदाबादच्या नरेंद्र मोदी स्टेडियममध्ये (Narendra Modi Stadium) आज आयपीएल 2022 स्पर्धेचा (IPL 2022) अंतिम सामना (IPL 2022 Final) खेळवला जाणार आहे. या सामन्यात गुजरात टायटन्स (Gujarat Titans) आणि राजस्थान रॉयल्स (Rajasthan Royals) हे दोन्ही संघ आमने-सामने असणार असून दोन्ही संघातील सर्वच खेळाडू विजयासाठी प्रयत्नांची शिकस्त करतील. यावेळी दोन्ही संघातील स्टार खेळाडूंवर सर्वाचंच लक्ष्य असणार असून यामध्ये राजस्थान संघाचा स्टार सलामीवीर जोस बटलर (Jos buttler) याच्याकडेही अनेकांचं लक्ष्य असणार आहे. आजच्या सामन्यात बटलर एक खास रेकॉर्ड नावावर करु शकतो.

तर यंदाच्या हंगामात बटलरने अगदी तुफान फटकेबाजी करत आयपीएल 2022 मध्ये 16 सामन्यात 58.86 च्या सरासरीने 151.47 च्या स्ट्राईक रेटने 824 रन केले आहेत. त्यामुळे आजच्या फायनलच्या सामन्यात जर तो केवळ 25 रन करेल. तर त्याच्या नावावर 849 रन होतील, आणि आयपीएलच्या एका हंगामात सर्वाधिक धावा करणाऱ्यांच्या यादीत डेव्हिड वॉर्नरला (David Warner) मागे टाकून दुसरं स्थान मिळवेल. वॉर्नरने आयपीएल 2016 मध्ये 848 रन केले होते. तर त्याच वर्षी विराट कोहलीने (Virat Kohli) 973 रन केले होते. दरम्यान विराटला मागे टाकण्यासाठी मात्र बटलरला150 धावांची तुफान खेळी खेळावी लागेल. विशेष म्हणजे बटलरने 5 शतकं आतापर्यंत ठोकल्याने आणखी एक शतक ठोकून सर्वाधिक शतकं ठोकण्याच्या गेलच्या विक्रमाशी तो बरोबरी करु शकतो.

एका आयपीएलमध्ये सर्वाधिक धावा करणारे फलंदाज

जोस बटलर- 824*
डेव्हिड वॉर्नर- 848
विराट कोहली- 973

हे देखील वाचा-