GT vs SRH Score Live IPL 2024: गुजरात टायटन्सने सनरायझर्स हैदराबादला 162 धावांवर रोखलं; मोहित शर्माची भेदक गोलंदाजी

GT vs SRH Score Live IPL 2024: हैदराबादने गुजरातला 163 धावांचं आव्हान दिलं आहे.

GT vs SRH

Source : IPL 2024

Gujarat Titans vs Sunrisers Hyderabad Score Live IPL 2024: आयपीएल 2024 च्या हंगामात आज गुजरात (GT) अन् हैदराबाद (SRH) यांच्यात सामना सुरु आहे. हैदराबादने गुजरातला 163 धावांचं आव्हान दिलं आहे. नाणेफेक जिंकून हैदराबाद सनरायझर्सने फलंदाजीचा निर्णय घेतला होता. या सामन्यात ट्रॅव्हिस हेड, एडन मार्कराम, हेनरिक क्लासेनला चांगली कामगिरी करता आली नाही. अब्दुल समद आणि शाहबाज अहमद यांनी सहाव्या विकेटसाठी 45 धावांची भागीदारी करून संघाला सावरले.

नाणेफेक जिंकून प्रथम फलंदाजीला आलेल्या सनरायझर्स हैदराबादने पहिल्या 4 षटकांत चांगली सुरुवात केली होती, परंतु पहिली विकेट पडल्यानंतर अचानक हैदराबादने 15 व्या षटकात केवळ 114 धावांवर 5 विकेट गमावल्या.  त्यानंतर समद आणि शाहबाज यांनी सहाव्या विकेटसाठी 45 धावांची भागीदारी केली. मात्र, हैदराबाद 170 धावा ओलांडणार असे वाटत असतानाच अखेरच्या षटकांत सामना पुन्हा फिरला. मोहित शर्माने शेवटच्या षटकांत केवळ तीन धावा देत तीन फलंदाजांना पॅव्हेलियनमध्ये पाठवले. यामध्ये एक खेळाडू धावबाद झाला.

शाहबाज अहमदने 20 चेंडूत 1 चौकार आणि 1 षटकारासह 22 धावा केल्या. तर अब्दुल समदने अवघ्या 14 चेंडूत 29 धावांची खेळी केली. समदने 3 चौकार आणि 1 षटकार लगावला. या दोघांशिवाय एकाही फलंदाजाला मोठी खेळी खेळता आली नाही. मयंक अग्रवाल 17 चेंडूत 16 धावा करून बाद झाला, ट्रॅव्हिस हेड 14 चेंडूत 19 धावा करून बाद झाला आणि एडन मार्कराम 19 चेंडूत 17 धावा करून बाद झाला.

Innings Break!

An impressive bowling display from @gujarat_titans 👌 👌

Mohit Sharma shines with 3⃣ wickets!

Will @SunRisers defend the total? 🤔

Stay Tuned ⌛️

Scorecard ▶️ https://t.co/hdUWPFsHP8#TATAIPL | #GTvSRH pic.twitter.com/YAILjbkeAv

— IndianPremierLeague (@IPL) March 31, 2024

गुजरात टायटन्सची Playing XI:

रिद्धिमान साहा (W), शुभमन गिल (C), अजमतुल्ला ओमरझाई, डेव्हिड मिलर, विजय शंकर, राहुल तेवतिया, राशीद खान, उमेश यादव, नूर अहमद, मोहित शर्मा, दर्शन नळकांडे.

Gujarat Titans (Playing XI): Wriddhiman Saha(w), Shubman Gill(c), Azmatullah Omarzai, David Miller, Vijay Shankar, Rahul Tewatia, Rashid Khan, Umesh Yadav, Noor Ahmad, Mohit Sharma, Darshan Nalkande

सनरायझर्स हैदराबादची Playing XI:

मयंक अग्रवाल, ट्रॅव्हिस हेड, अभिषेक शर्मा, एडन मार्कराम, हेनरिक क्लासेन (W), अब्दुल समद, शाहबाज अहमद, पॅट कमिन्स (C), भुवनेश्वर कुमार, मयंक मार्कंडे, जयदेव उनाडकट

Sunrisers Hyderabad (Playing XI): Mayank Agarwal, Travis Head, Abhishek Sharma, Aiden Markram, Heinrich Klaasen(w), Abdul Samad, Shahbaz Ahmed, Pat Cummins(c), Bhuvneshwar Kumar, Mayank Markande, Jaydev Unadkat

संबंधित बातम्या: