IPL 2023 : दिल्ली कॅपिटल्सचा बाजार उठला, आयपीएलमधील आव्हान संपुष्टात
IPL 2023 : दिल्ली 8 गुणांसह अखेरच्या स्थानावर आहे. सात पराभवामुळे दिल्लीचे स्पर्धेतील आव्हान जवळपास संपुष्टात आले आहे.
Delhi Capitals, IPL 2023 : पथीराणा आणि दीपक चाहर यांच्या भेदक माऱ्याच्या जोरावर चेन्नईने दिल्लीचा 27 धावांनी पराभव केलाय. चेन्नईने दिलेल्या 168 दावांच्या आव्हानाचा पाठलाग करताना दिल्लीचा संघ 140 धावांपर्यंत मजल मारु शकला. दिल्लीचा 11 सामन्यातील हा सातवा पराभव होय. दिल्ली 8 गुणांसह अखेरच्या स्थानावर आहे. सात पराभवामुळे दिल्लीचे स्पर्धेतील आव्हान जवळपास संपुष्टात आले आहे.
आयपीएलच्या सोळाव्या हंगामात दिल्लीची सुरुवात निराशाजनक झाली होती. दिल्लीने सुरुवातीचे पाच सामने गमावले होते. त्यानंतर दिल्लीला पहिला विजय मिळाला होता. ऋषभ पंत याच्या अनुपस्थितीत दिल्लीचा संघ कमकुवत जाणवत होता. फलंदाजी आणि गोलंदाजीत दिल्लीच्या संघाला चांगली कामगिरी करता आली नाही. डेविड वॉर्नर, ऋषभ पंत, मिचेल मार्श, मनिष पांडे, सर्फराज खान यांनाही चांगली कामगिरी करता आली नाही. डेविड वॉर्नर याने सुरुवातीला धावा केल्या पण स्ट्राईक रेट खूपच कमी होता. दिल्लीचे स्पर्धेतील आव्हान जवळपास संपलेले आहे.
आतापर्यंत आयपीएलमधील दिल्लीची कामगिरी -
1. एक एप्रिल रोजी लखनौ सुपर जायंट्ने दिल्लीचा 50 धावांनी पराभव केला.
2. चार एप्रिल रोजी गुजरातकडून दिल्लीचा सहा विकेटने पराभव झाला..
3. 8 एप्रिल रोजी राजस्थाननेही दिल्लीला 57 धावांनी हरवले.
4. 11 एप्रिल रोजी मुंबईने दिल्लीला सहा विकेटने हरवले..
5. 15 एप्रिल रोजी आरसीबीने दिल्लीला 23 धावांनी हरवले... दिल्लीला लागोपाठ पाच सामन्यात पराभवाचा सामना करावा लागला.
6. 20 एप्रिल रोजी अखेर दिल्लीने विजयाचे खाते उघडले.. दिल्लीने चार विकेटने कोलकात्याचा पराभव केला.
7. 24 एप्रिल रोजी दिल्लीने हैदराबादचा सात धावांनी पराभव केला.
8. 29 एप्रिल रोजी गैदराबादने दिल्लीला 9 धावांनी हरवत पराभवाचा वचपा काढला... दिल्लीचा हा सहावा पराभव होता..
9. 2 मे रोजी दिल्लीने गतविजेत्या गुजरातला पाच धावांनी हरवले....
10. 6 मे रोजी आरसीबीचा सात विकेटने पराभव करत दिल्लीने प्लेऑफमधील आव्हान जिवंत ठेवले...
11 . 10 मे रोजी चेन्नईने दिल्लीचा पराभव केला.
दिल्ली या संघाचे गणित बिघडवणार ?
दिल्लीला 11 सामन्यात सात पराभवाचा सामना करावा लागलाय. त्यामुळे दिल्लीचे आयपीएलमधील आव्हान संपुष्टात आलेय. पण दिल्ली इतर संघाचे प्लेऑफमधील गणित बिघडवू शकते. दिल्लीचे अद्याप तीन सामने बाकी आहेत. यापैकी दोन सामने पंजाबविरोधात आहेत.. तर एक सामना चेन्नईसोबत आहे. 13 मे आणि 17 मे रोजी दिल्ली पंजाबसोबत भिडणार आहे. 20 मे रोजी दिल्ली पुन्हा एकदा चेन्नईसोबत दोन हात करणार आहे.
दिल्लीच्या पराभवाची कारण काय आहेत ?
डेविड वॉर्नर याचा अपवाद वगळता दिल्लीच्या एकाही फलंजाला मोठी धावसंख्या उभरता आली नाही. मिचेल मार्श, रोवमन पॉवेल, यश धुल, मनीष पांडे यांच्यासारखे फलंदाज अपयशी ठरत आहेत. दिल्लीच्या पराभवाचे हेही प्रमुख कारण असू शकते. डेविड वॉर्नर याला प्रभावी नेतृत्व करता आले नाही. दिल्लीच्या पराभवाचे खराब नेतृत्व हेही एक कारण आहे. वॉर्नरने गोलंदाजांचा योग्य वापर केला नाही. कुलदीप यादव याला कधी गोलंदाजी द्यायची, यात वॉर्नरची मोठी चूक होतेय.. गतवर्षी कुलदीपने सर्वाधिक विकेट घेतल्या होत्या... त्याशिवाय भन्नाट फॉर्मात असलेल्या अक्षर पटेल याला फलंदाजी बढती दिली जात नाही.. अन्यथा तो आणखी धावा जमवू शकेल. प्रमुख गोलंदाजांना धावा रोखण्यात अपयश आले आहे. अक्षर पटेल आणि कुलदीपचा अपवाद वगळता एकाही गोलंदाजाला धावा रोखता आल्या नाहीत. एनरिख नॉर्खिया लयीत दिसत नाही.. याचा फटका दिल्लीला बसत आहे. ऋषभ पंतची कमी दिल्लीला जाणवत आहे. ऋषभ पंतचे आक्रमक नेतृत्व आणि फलंदाजीची कमी दिल्लीला जाणवतेय.
आणखी वाचा -
CSK vs DC IPL 2023: पथीराणा-चाहरचा भेदक मारा, चेन्नईचा दिल्लीवर 27 धावांनी विजय
महत्त्वाच्या बातम्या
ट्रेंडिंग न्यूज
