CSK vs KKR IPL 2024: चेन्नईने कोलकाताला 137 धावांवर रोखलं; देशपांडे अन् जडेजाची भेदक गोलंदाजी

CSK vs KKR IPL 2024: चेन्नईने नाणेफेक जिंकत प्रथम गोलंदाजी करण्याचा निर्णय घेतला होता.

CSK vs KKR

Source : IPL 2024

CSK vs KKR IPL 2024: चेन्नई सुपर किंग्स (Chennai Super Kings) विरुद्ध कोलकाता नाईट रायडर्स (kolkata knight riders) यांच्यात सध्या सामना सुरु आहे. या सामन्यात चेन्नईने नाणेफेक जिंकत प्रथम गोलंदाजी करण्याचा निर्णय घेतला होता. यावेळी कोलकाताने फलंदाजी करताना 9 विकेट्स गमावत 137 धावा करत चेन्नईला विजयासाठी 138 धावांचे लक्ष्य दिले आहे. कोलकाताकडून श्रेयस अय्यरने 32 चेंडूत 34, सुनील नरेनने 20 चेंडूत 27 आणि अंगक्रिश रघुवंशीने 18 चेंडूत 24 धावा केल्या. चेन्नईकडून रवींद्र जडेजाने 4 षटकात 18 धावा देत 3 बळी घेतले. तुषार देशपांडेनेही 3 विकेट्स घेतल्या.

चेन्नईची भेदक गोलंदाजी-

चेन्नई सुपर किंग्सने अतिशय तगडी गोलंदाजी केली. सामन्याच्या पहिल्याच चेंडूवर तुषार देशपांडेने तुफान फलंदाज फिलिप सॉल्टला त्रिफळाचीत केले होते. त्यानंतर रवींद्र जडेजाने 4 षटकात केवळ 18 धावा देत 3 महत्त्वपूर्ण बळी घेत आपल्या फिरकीने कहर केला. महिश तीक्षणासमोरही केकेआरच्या फलंदाजांना धावा काढणे कठीण झाले. त्याने 4 षटकात 28 धावा देत एक विकेट घेतली.  केकेआरविरुद्धच्या सामन्यात 3 बळी घेणाऱ्या तुषार देशपांडेची गोलंदाजी प्रत्येक सामन्यात मारक ठरत आहे. आयपीएल 2024 मध्ये पहिला सामना खेळणारा शार्दुल ठाकूर काही विशेष दाखवू शकला नाही. शेवटच्या षटकात मुस्तफिजुर रहमानने 2 बळी घेत केकेआरच्या खालच्या फळीतील फलंदाजीचे कंबरडे मोडले आणि पर्पल कॅपच्या शर्यतीत तो पुन्हा एकदा अव्वल स्थानावर आला आहे.

चेन्नई सुपर किंग्सची Playing XI-

ऋतुराज गायकवाड (कर्णधार), रचिन रवींद्र, अजिंक्य रहाणे, डॅरेल मिचेल, समीर रिझवी, रवींद्र जडेजा, एमएस धोनी (विकेटकीपर), शार्दुल ठाकुर, मिस्तफिजुर रहमान, तुषार देशपांडे, महेश तीक्षणा

Ruturaj Gaikwad(c), Rachin Ravindra, Ajinkya Rahane, Daryl Mitchell, Sameer Rizvi, Ravindra Jadeja, MS Dhoni(w), Shardul Thakur, Mustafizur Rahman, Tushar Deshpande, Maheesh Theekshana

कोलकाता नाइट रायडर्सची Playing XI-

फिलिप सॉल्ट (विकेटकीपर), सुनील नरेन, श्रेयस अय्यर (कर्णधार), व्यंकटेश अय्यर, अंगकृष रघुवंशी, आंद्रे रसेल, रिंकू सिंग, रणदीप सिंग, मिचेल स्टार्क, वैभव अरोरा, वरुण चक्रवर्ती

Philip Salt(w), Sunil Narine, Venkatesh Iyer, Shreyas Iyer(c), Angkrish Raghuvanshi, Andre Russell, Rinku Singh, Ramandeep Singh, Mitchell Starc, Vaibhav Arora, Varun Chakaravarthy

संबंधित बातम्या-