Fifa World Cup 2022 : रिकार्लिसनचा डबल धमाका, ब्राझीलचा सर्बियावर 2-0 ने विजय
FIFA WC 2022: गुरुवारी रात्री उशिरा झालेल्या ग्रुप-जी मधील सामन्यात सामन्यात ब्राझीलने सर्बियाचा 2-0 असा पराभव करत स्पर्धेची सुरुवात विजयाने केली.
Fifa WC 2022 BRA vs SER : सर्वाधिक म्हणजेच पाच वेळा फिफा विश्वचषक विजेता ब्राझील संघाने फिफा विश्वचषक 2022 (FIFA WC 2022) मध्ये देखील विजयाने सुरुवात केली आहे. त्यांनी पहिल्या सामन्यात सर्बियाचा 2-0 असा पराभव केला. सामन्याच्या फर्स्ट हाल्फमध्ये एकही गोल होऊ शकला नाही, मात्र सामन्याच्या उत्तरार्धात ब्राझीलचा फॉरवर्ड रिकारलिसेनने एक नाही तर दोन दमदार गोल करत आपल्या संघाला विजय मिळवून दिला.
सामन्याच्या फर्स्ट हाल्पमध्ये सर्बियाच्या डिफेन्सने चांगला खेळ दाखवला. ब्राझीलकडे नेमारसारखे स्टार फॉरवर्ड असूीन त्यांची सततची आक्रमणं सर्बियाच्या बचावपटूंनी रोखली. गोलकिपर मिलिंकोविकने देखील काही उत्कृष्ट सेव्ह केले. पण दुसऱ्या हाल्फमध्ये रिकार्लिसनने 62 व्या आणि 73 व्या मिनिटाला गोल करत ब्राझीलच्या विजयावर शिक्कामोर्तब केला. सामन्याक रिकार्लिसनने केलेला एक अप्रतिम गोल फिफाने त्यांच्या अधिकृत ट्वीटवर शेअरही केला आहे.
पाहा VIDEO-
Richarlison! What have you done?! 🤯#FIFAWorldCup | @richarlison97 pic.twitter.com/kCKFdlINXq
— FIFA World Cup (@FIFAWorldCup) November 24, 2022
सामन्यात, ब्राझीलने अधिक पजेशन स्वत:कडे ठेवलं, 53 टक्के पजेशन ब्राझीलकडे तर 34 टक्के पजेशन सर्बियाकडे होतं. ब्राझीलने सर्बियाच्या गोलपोस्टवर तब्बल 24 वेळा आक्रमणं केलं, दुसरीकडे, सर्बियाचे फॉरवर्ड्स केवळ 4 प्रयत्नच करू शकले. ब्राझीलच्या खेळाडूंनी 526 पास पूर्ण झाले, तर सर्बियन खेळाडूंनी 341 पासच पूर्ण केले. कॉर्नर आणि फ्री किक मिळवण्यातही ब्राझीलचा संघ पुढे होता. ब्राझीलला 6 कॉर्नर आणि 12 फ्री किक मिळाल्या. दुसरीकडे, सर्बियाला 4 कॉर्नर आणि 8 फ्री किक मिळाल्या.
View this post on Instagram
ब्राझील ग्रुप G मध्ये अव्वलस्थानी
ब्राझील आणि सर्बियाचा संघ जी गटात आहे. स्वित्झर्लंड आणि कॅमेरूनचे संघही त्यांच्यासोबत आहेत. येथे ब्राझील पहिल्या तर स्वित्झर्लंड दुसऱ्या क्रमांकावर आहे. स्वित्झर्लंडने गुरुवारी रात्री कॅमेरूनविरुद्ध १-० असा विजय नोंदवला.
View this post on Instagram
हे देखील वाचा-
महत्त्वाच्या बातम्या
