IND vs AUS: सचिन तेंडुलकरसह अनेक दिग्गजांकडून पुजाराचं अभिनंदन, 100 व्या कसोटी सामन्याबद्दल ICC ची खास पोस्ट

Cheteshwar Pujara : भारतासाठी 100 कसोटी सामने खेळणारा चेतेश्वर पुजारा 13 वा भारतीय खेळाडू ठरला आहे. दरम्यान सचिन तेंडुलकरसह अनेक माजी दिग्गज खेळाडूंनी त्याला शुभेच्छा दिल्या.

Cheteshwar Pujara

IND vs AUS, 2nd Test : भारत आणि ऑस्ट्रेलिया (IND vs AUS) यांच्यात दिल्लीच्या मैदानावर खेळला जाणारा बॉर्डर-गावस्कर ट्रॉफीचा दुसरा कसोटी सामना भारतीय फलंदाज चेतेश्वर पुजारासाठी (Cheteshwar Pujara) खूप खास ठरला आहे. भारतासाठी कसोटी फॉरमॅटमध्ये 100 कसोटी सामने खेळणारा तो 13वा भारतीय खेळाडू ठरला आहे. 2010 मध्ये ऑस्ट्रेलियाविरुद्ध पहिली कसोटी खेळल्यानंतर पुजाराने स्वत:ला कसोटी संघातील एक महत्त्वाचा खेळाडू बनवलं. योगायोगाने तो आपला पहिला आणि 100 वा सामना कांगारुविरुद्धच खेळत आहे.

चेतेश्वर पुजाराने आतापर्यंत कसोटी फॉर्मेटमध्ये एक स्पेशालिस्ट फलंदाज म्हणून स्वत:ला सिद्ध केलं आहे. 100 व्या कसोटी सामन्याच्या निमित्ताने त्याचं संपूर्ण कुटुंब देखील मैदानावर उपस्थित असून भारताचे माजी दिग्गज क्रिकेटर सुनील गावस्कर यांनी सामना सुरू होण्यापूर्वी पुजाराला स्मृतिचिन्ह देऊन या ऐतिहासिक प्रसंगी त्याचं अभिनंदन केलं. यादरम्यान, अनेक माजी दिग्गज खेळाडूंशिवाय, सध्याच्या खेळाडूंनीही पुजाराचे सोशल मीडियाद्वारे त्याच्या या कामगिरीबद्दल अभिनंदन केलं आहे. चेतेश्वर पुजाराचे त्याच्या 100 व्या कसोटी सामन्याबद्दल अभिनंदन करताना महान फलंदाज सचिन तेंडुलकरने लिहिले की, पुजाराचे टीम इंडियासाठी 100 कसोटी सामने खेळल्याबद्दल खूप खूप अभिनंदन. हा खूप खास क्षण आहे. तुम्ही देशासाठी तुमची सर्वोत्तम कामगिरी देत राहा. आयसीसीनंही खास फोटो पुजारासाठी पोस्ट केला आहे.

Congratulations on making your 100th Test appearance for Team India, @cheteshwar1. It is a very special and proud moment. Keep giving your best for the country. pic.twitter.com/mN7RZeDvsB

— Sachin Tendulkar (@sachin_rt) February 17, 2023

Many congratulations to @cheteshwar1 Pujara on playing his 100th Test Match. He has been a great servant of Indian Cricket and showed great grit , determination and resilience throughout his career. Wishing his 100th Test turns out to be special for him and Team India #IndvsAus pic.twitter.com/TCIoEDlvMY

— VVS Laxman (@VVSLaxman281) February 17, 2023

Cheteshwar Pujara joins the exclusive club 🙌#INDvAUS | #WTC23 pic.twitter.com/pNcjuCM5EZ

— ICC (@ICC) February 17, 2023

Congratulations @cheteshwar1 on reaching the incredible milestone of 100 Test matches! It's a great achievement and a testament to your dedication and passion for the sport. Your contribution to Indian cricket has been immense, and we are proud of you #CheteshwarPujara #INDvsAUS pic.twitter.com/zQKs3ZTG8t

— Ishant Sharma (@ImIshant) February 17, 2023

Cheteshwar Pujara has shown that even by sticking to cricket's oldest ideas in modern times one reach the 100 Test match mark. Sticking to one beliefs always brings success. Congratulations! @cheteshwar1

— Mohammad Kaif (@MohammadKaif) February 16, 2023

पुजाराची कारकिर्द थोडक्यात

ऑक्‍टोबर 2010 मध्‍ये टीम इंडियासाठी पदार्पण करणार्‍या चेतेश्वर पुजाराने आतापर्यंत करिअरमध्‍ये एकूण 99 कसोटी आणि 5 एकदिवसीय सामने खेळले आहेत. कसोटीच्या 169 डावात फलंदाजी करताना त्याने 44.15 च्या सरासरीने 7021 धावा केल्या आहेत. यामध्ये त्याने एकूण 19 शतके आणि 34 अर्धशतके केली आहेत. त्याच वेळी, त्याची सर्वोच्च धावसंख्या नाबाद 206 धावा आहे. याशिवाय एकदिवसीय क्रिकेटमध्ये त्याने 51 धावा केल्या आहेत.

हे देखील वाचा-