कानपूर कसोटीत अश्विनला सुवर्ण संधी

अश्विने वेस्ट इंडिज दौऱ्यात गोलंदाजीसोबतच उत्कृष्ट फलंदाजी करुन साऱ्यांचे लक्ष वेधले.

अश्विनचा कानपूरमधील सामना हा त्याच्या कारकीर्दीतील 37वा सामना आहे. त्याने या सामन्यात सात विकेट घेऊन 200चा टप्पा पूर्ण केल्यास, कसोटी क्रिकेटमध्ये कमी सामन्यात हा टप्पा गाठणारा तो दुसरा खेळाडू ठरेल. या आधी ऑस्ट्रेलियाचे दिग्गज फिरकीपटू क्लॅरी ग्रिमेट यांनी हा विक्रम केला होता.