Jalgaon : इन्स्टाग्रामवरुन प्रेम जुळले, विवाहित प्रेयसीला गोळ्या घालून स्वतःही संपला; जळगावात धक्कादायक घटना

Jalgaon Murder : गेल्या काही दिवसांपासून अनिता देवानंदला टाळत असल्याने त्यांच्यात वाद निर्माण झाला होता. या रागातूनच ही हत्या झाल्याचं समोर आलं आहे. 

Jalgaon Murder

Source : abp majha

जळगाव : चोपडा तालुक्यातील अकुलखेडा गावात प्रेमसंबंधातून दुहेरी मृत्यूची धक्कादायक घटना समोर आली आहे. प्रेयसीची बंदुकीने गोळ्या घालून हत्या केल्यानंतर प्रियकराने स्वतःवर गोळ्या झाडून आत्महत्या केल्याची प्राथमिक माहिती पोलीस तपासातून पुढे आली आहे.

Jalgaon Crime News : रक्ताच्या थारोळ्यात दोघांचे मृतदेह

जळगाव जिल्ह्यातील अकुलखेडा गावातील जगदीश पाटील हे आपली पत्नी अनिता हिच्यासह राहत होते. शनिवारी सकाळी सुमारे 11 वाजता त्यांची मुलगी शाळेतून घरी परतली असता घराचा दरवाजा बंद असल्याचे तिला दिसले. दरवाजा उघडून आत गेल्यावर आई अनिता आणि एक अन्य व्यक्ती रक्ताच्या थारोळ्यात पडलेले दिसून आले.

मुलीने तात्काळ वडिलांना फोन करून घरी बोलावले. त्यांनी गंभीर प्रकार पाहताच पोलिसांना माहिती दिली. पोलिसांनी घटनास्थळी धाव घेत पंचनामा करून मृतदेह शवविच्छेदनासाठी पाठवले.

Jalgaon Instagram Love Affair : इंस्टाग्रामवरील ओळखीतून जुळले प्रेमसंबंध

प्राथमिक तपासानुसार, अनिता आणि शिरपूर येथील देवानंद धनगर या तरुणाची काही दिवसांपूर्वी इंस्टाग्रामच्या माध्यमातून ओळख झाली होती. या ओळखीचे रूपांतर प्रेमसंबंधात झाले होते. दोघांमध्ये भेटीगाठी सुरू असल्याची माहिती पोलिसांनी दिली.

मात्र, गेल्या काही दिवसांपासून अनिता देवानंदला टाळत असल्याने त्यांच्यात वाद निर्माण झाला होता. या रागातूनच देवानंद धनगर याने अनितावर गोळ्या झाडून तिची हत्या केली आणि त्यानंतर स्वतःवर गोळ्या झाडून आत्महत्या केल्याचा पोलिसांचा प्राथमिक अंदाज आहे.

Jalgaon Murder Police Investigation : पोलिसांचा पुढील तपास सुरू

या घटनेमागील नेमके कारण, वापरण्यात आलेली बंदूक आणि ती कुठून आणली याचा तपास पोलिसांकडून सुरू आहे. परिसरात या घटनेमुळे मोठी खळबळ उडाली असून नागरिकांमध्ये भीतीचे वातावरण आहे.

ही बातमी वाचा: