Iran Israel Conflict : इस्रायल-अमेरिकेच्या इराणवरील हल्ल्यानंतर रशियाचा संताप; ‘तिसऱ्या महायुद्धाची सुरुवात?

Iran Israel War Update : एका सार्वभौम आणि संयुक्त राष्ट्रांचा सदस्य असलेल्या देशाविरुद्ध पूर्वनियोजित आणि विनाकारण सशस्त्र हल्ला करण्यात आला आहे अशा शब्दात रशियाने टीका केली आहे. 

Russia On Iran Israel Conflict

Source : abp majha

मुंबई : इस्रायल आणि अमेरिकेने इराणवर संयुक्त हवाई हल्ले (Isreal Us Attack On Iran) केल्यानंतर जागतिक पातळीवर तणाव कमालीचा वाढला आहे. काही देश आणि विश्लेषक या घडामोडींना ‘तिसऱ्या महायुद्धाची शक्यता’ असे संबोधत आहेत. इराणने प्रत्युत्तरादाखल सात देशांवर एकाच वेळी हल्ला (Iran Attack On Arab Nations) केल्याचा आणि अमेरिकन लष्करी तळ उद्ध्वस्त केल्याचा दावा केला आहे. या पार्श्वभूमीवर रशियाने (Russia) कठोर भूमिका घेत अमेरिकेवर आणि इस्रायलवर तीव्र शब्दांत टीका केली आहे.

Russia Reaction On Iran Israel War : रशियाची तीव्र प्रतिक्रिया

रशियाचे परराष्ट्र मंत्रालय यांनी जारी केलेल्या निवेदनात म्हटले आहे की वॉशिंग्टन आणि तेल अवीव पुन्हा एकदा धोकादायक मार्गावर चालले आहेत. या कृतीमुळे संपूर्ण पश्चिम आशियाचा प्रदेश मानवतावादी, आर्थिक आणि कदाचित रेडिओलॉजिकल आपत्तीच्या उंबरठ्यावर पोहोचू शकतो, असा इशारा देण्यात आला.

रशियाने आरोप केला की एका सार्वभौम आणि संयुक्त राष्ट्रांचा सदस्य असलेल्या देशाविरुद्ध पूर्वनियोजित आणि विनाकारण सशस्त्र हल्ला करण्यात आला आहे. हे आंतरराष्ट्रीय कायद्याच्या मूलभूत तत्त्वांचे थेट उल्लंघन असल्याचे मॉस्कोने स्पष्ट केले.

International Law Violation : आंतरराष्ट्रीय कायद्याचे उल्लंघन

रशियाच्या निवेदनात नमूद करण्यात आले की 28 फेब्रुवारी रोजी अमेरिकन आणि इस्रायली सैन्याने इराणमध्ये हवाई हल्ले केले. या कारवाईपूर्वी मोठ्या प्रमाणावर अमेरिकन सैन्य तैनात करण्यात आले होते. ही कृती जाणूनबुजून आखलेली असल्याचा आरोप करण्यात आला आहे.

रशियाने म्हटले की, हे विशेषतः निंदनीय आहे कारण एकीकडे संवाद प्रक्रियेचा आव आणला जात असताना दुसरीकडे लष्करी कारवाया सुरू ठेवण्यात आल्या. इस्रायलला इराणसोबत थेट लष्करी संघर्षात रस नसल्याचे आश्वासन देण्यात आले होते, तरीही हल्ले झाले, असा दावा करण्यात आला.

UN And IAEA Appeal : संयुक्त राष्ट्र आणि IAEA कडे मागणी

मॉस्कोने आंतरराष्ट्रीय समूदायासह संयुक्त राष्ट्र संघ आणि आंतरराष्ट्रीय अणुऊर्जा संस्था (IAEA) यांना या घडामोडींचा निष्पक्ष आणि वस्तुनिष्ठ आढावा घेण्याचे आवाहन केले आहे. IAEA च्या सेफगार्डखाली असलेल्या अणुस्थळांवर बॉम्बहल्ले करणे मान्य नसल्याचे रशियाने स्पष्ट केले. अशा कारवायांमुळे जागतिक अण्वस्त्र प्रसारबंदी व्यवस्थेवर गंभीर परिणाम होऊ शकतो, असा इशाराही देण्यात आला.

Putin Statement On Iran Israel Conflict : पुतिन यांची भूमिका

रशियाचे राष्ट्राध्यक्ष व्लादिमीर पुतिन यांनी अमेरिकेवर आंतरराष्ट्रीय कायद्याची सातत्याने पायमल्ली केल्याचा आरोप केला. तणावग्रस्त देशांनी राजकीय आणि कूटनीतिक मार्गावर परत यावे, अशी मागणी त्यांनी केली. रशिया आंतरराष्ट्रीय कायदा, परस्पर सन्मान आणि संतुलित हितसंबंधांच्या आधारावर शांततापूर्ण तोडगा काढण्यासाठी मदत करण्यास तयार असल्याचेही त्यांनी स्पष्ट केले.

ही बातमी वाचा: