पाकिस्तानचा विजय पण स्वप्न भंगलं, वर्ल्ड कपमधून बाहेर, श्रीलंकेची शेवटपर्यंत कडवी झुंज
टी-20 विश्वषचकात आज पाकिस्तान आणि श्रीलंका यांच्यात लढत झाली. या सामन्यात पाकिस्तानचा संघ विजयी झाला आहे. मात्र, सेमीफायनलला जाण्याचं त्यांचं स्वप्न भंगलं आहे. पाकिस्तान विश्वचषकातून बाहेर गेला आहे.
T20 World Cup 2026 Pakistan : टी-20 विश्वषचकात आज पाकिस्तान आणि श्रीलंका यांच्यात लढत झाली. या सामन्यात पाकिस्तानने श्रीलंकेसमोर 213 धावांचा डोंगर उभा केला होता. या धावांचा पाठलाग करताना श्रीलंकेनं शेवटपर्यंत झुंज दिली. श्रीलंकेनं 207 धावा केल्या. पाकिस्तानने अवघ्या 5 धावांनी विजय मिळवला. या सामन्यात पाकिस्तानचा विजय झाला असला तरी पाकिस्तान टी-20 विश्वषचकातून बाहेर पडला आहे. सेमीफायनला जाण्याचा दरवाजा पाकिस्तानसाठी कायमचा बंद झाला आहे.
उपांत्य फेरी गाठण्यासाठी पाकिस्तानने श्रीलंकेला 147 धावांवर रोखने गरजेचे होते
सेमीफायनलमध्ये पोहोचण्यासाठी पाकिस्तानची आज श्रीलंकेसोबत शेवटची लढाई होती. जर हा सामना पाकिस्तानने मोठ्या फरकाने जिंकला असता आणि नेट रन रेटमध्ये न्यूझीलंडला तीन गुणांसह मागे टाकले असते तर पाकिस्तानचा संघ सेमीफायनलसाठी पात्र ठरला. असता. आज पाकिस्तानने श्रीलंकेसमोर 213 धावांचा डोंगर उभा केला होता. पण उपांत्य फेरी गाठण्यासाठी पाकिस्तानने श्रीलंकेला 147 धावांवर रोखने गरजेचे होते. मात्र, ते शक्य झालं नाही. श्रीलंकेच्या संघानं कडवी झुंज देत 207 धावा केल्या. फक्त 5 धावांनी पाकिस्तानचा विजय झाला. पाकिस्तान जरी विजयी झाला असला तरी त्यांचा सेमीफायनलचा पत्ता कट झाला आहे.
पाकिस्तान बाहेर, न्यूझीलंड आत
सेमीफायनलमध्ये पोहोचण्यासाठी पाकिस्तानला किमान 65 धावांनी विजय मिळवणे आवश्यक होता. त्यामुळं, पाकिस्तानी संघाला श्रीलंकेला 147 धावांचा टप्पा ओलांडता येणार नाही याची खात्री करावी लागली. एका क्षणी, श्रीलंकेने पहिले दोन विकेट लवकर गमावले, परंतु नंतर पवन रत्नायकेने अर्धशतक झळकावले, 37 चेंडूत 58 धावा केल्या. श्रीलंकेला 147 धावांवर रोखण्यात पाकिस्तान अपयशी ठरल्याने, ते टी20 विश्वचषकातून बाहेर पडले. दुसरीकडे, न्यूझीलंडने नेट रन रेटच्या आधारे अंतिम चारमध्ये स्थान निश्चित केले आहे.
कर्णधार दासुन शनाकाची 76 धावांची वादळी खेळी
पाकिस्तानने श्रीलंकेला 147 धावांवर रोखण्याची आशा बाळगली होती, परंतु कर्णधार दासुन शनाकाच्या 76 धावांच्या धमाकेदार खेळीने सर्व आशा धुळीस मिळवल्या. शनाकाने 31 चेंडूत दोन चौकार आणि आठ षटकारांसह 76 धावा केल्या. या खेळीमुळं पाकिस्तानचे उपांत्य फेरीत जाण्याचे स्वप्न भंग झाले आहे. शेवटच्या षटकात श्रीलंकेला 28 धावांची आवश्यकता होती. शाहीन आफ्रिदी गोलंदाजी करत होता, त्याने पहिल्या पाच चेंडूत 22 धावा दिल्या. परिणामी, श्रीलंकेला शेवटच्या चेंडूवर षटकाराची आवश्यकता होती. आफ्रिदीने वाइड लाईनच्या अगदी बाहेर यॉर्कर टाकला, जो शनाकाने वाइड समजून सोडला. यामुळं श्रीलंकेचा पाच धावांनी पराभव झाला आहे.
महत्त्वाच्या बातम्या
