Rashid Khan : वन मॅन आर्मी! राशिद खान एकाचवेळी बंगाली टायगर्स आणि कांगारुंचा कर्दनकाळ; अफगाण पठाणनं करून दाखवलं
Rashid Khan : राशिदेन घेतलेल्या चार विकेट अफगाणिस्तानसाठी टर्निंग पॉईंट ठरल्या, तर शेवटच्या टप्प्यांमध्ये गुलबदीन आणि नाविने केलेला अचुक मारा बांगलादेशच्या मुळावर घाव घालणारा ठरला.
Rashid Khan : गेल्यावर्षी एकदिवसीय वर्ल्डकपमध्ये स्वप्नवत कामगिरी करणाऱ्या अफगाणिस्तानने यंदा टी-ट्वेंटी वर्ल्ड कपमध्ये सुद्धा धुवाँधार कामगिरी करत थेट सेमी फायनलमध्ये मजल मारली आहे. करो वा मरोच्या लढतीमध्ये अपघाणी पठाणांनी जबरदस्त कामगिरी करत बांगलादेशचा धुव्वा उडवत दिमाखात सेमी फायनल गाठली. अफगाण विजयाचा शिल्पकार पठाणी वाघ कॅप्टन रशीद खान ठरला. त्याने चार विकेट घेत बांगलादेशला बॅकफूटवर ढकलून दिलं होते. पाऊस आणि डकवर्थचा खेळ सुरू असताना अफगाणी गोलंदाजांनी संयम न सोडता बांगलादेशवर आणलेलं दडपण कायम राखत विजय खेचून आणला.
Rashid Khan and Gulbadin Naib after the win. 🇦🇫
— Mufaddal Vohra (@mufaddal_vohra) June 25, 2024
- Two legends of Afghan cricket! pic.twitter.com/01473k9EyO
शेवटच्या पाच ओव्हरमध्ये रन आणि बॉल असा संघर्ष सुरू होता आणि या संघर्षामध्येच अफगाणी पठाण बांगलादेशी वाघांपेक्षा सरस ठरले. राशिदेन घेतलेल्या चार विकेट अफगाणिस्तानसाठी टर्निंग पॉईंट ठरल्या, तर शेवटच्या टप्प्यांमध्ये गुलबदीन आणि नाविने केलेला अचुक मारा बांगलादेशच्या मुळावर घाव घालणारा ठरला. त्यामुळे एकाच वेळी बांगलादेश आणि ऑस्ट्रेलियाच्या अशा संपुष्टात आल्या. नावीनने 18व्या षटकात दोन बॉलला दोन विकेट घेत सेमी फायनलचा मार्ग दाखवून दिला.
Be proud of yourself, Afghanistan.
— Mufaddal Vohra (@mufaddal_vohra) June 25, 2024
You've scripted history!!! 🇦🇫 pic.twitter.com/4qkGziaFba
अफगाणिस्तानची स्वप्नवत कामगिरी
अफगाणिस्तान संघ 2010 पासून टी-20 विश्वचषक खेळत आहे, आता 2024 मध्ये प्रथमच टी-20 विश्वचषकाच्या उपांत्य फेरीत पोहोचला आहे. जी सध्या त्यांची या फॉरमॅटमधील सर्वोत्तम कामगिरी आहे. बांगलादेशला हा सामना जिंकण्यासाठी 114 (DLS) चे लक्ष्य होते. पण 'प्लेअर ऑफ द मॅच' नवीन उल हकने सलग 2 विकेट घेत सामना अफगाणिस्तानच्या बाजूने वळवला. नवीन उल हक आणि राशिद खान यांनी प्रत्येकी 6 बळी घेत अफगाणिस्तानच्या विजयात महत्त्वाची भूमिका बजावली. तर बांगलादेशकडून सलामीवीर फलंदाज लिटन दास (नाबाद 54) शेवटपर्यंत नाबाद राहिला.
Afghanistan team taking their captain Rashid Khan in their shoulders. 👑
— Johns. (@CricCrazyJohns) June 25, 2024
- The GOAT of T20I. pic.twitter.com/UFSxRvIdqu
नवीन उल हकचे षटक आणि शेवटच्या षटकाचा थरार
शेवटच्या 2 षटकात बांगलादेशला विजयासाठी 12 धावांची गरज होती, 8 विकेट पडल्या होत्या. बांगलादेशची धावसंख्या 102/8 होती. नवीन उल हक 18 वे ओव्हर टाकायला आला होता. या षटकात तस्किन अहमद नवीनकडे क्लीन बोल्ड झाला. यानंतर पुढच्याच चेंडूवर मुस्तफिझूर रहमानला बाद करून बांगलादेशच्या आशा संपुष्टात आल्या.
बांगलादेश आणि ऑस्ट्रेलियाच्या आशा अशाच संपल्या
उपांत्य फेरी गाठण्यासाठी बांगलादेशला 12.1 षटकांत 116 धावांचे लक्ष्य गाठायचे होते. अशा परिस्थितीत त्यांच्या आशा संपल्या आहेत. त्याचवेळी अफगाणिस्तानला हा सामना जिंकण्यासाठी पुरेसा होता. त्याचबरोबर या सामन्यात अफगाणिस्तानच्या विजयामुळे ऑस्ट्रेलियाचा संघही विश्वचषकातून बाहेर पडला आहे.
इतर महत्वाच्या बातम्या
महत्त्वाच्या बातम्या
