सलमानला जेल झाल्यास 'हे' चित्रपट लटकणार!

सलमान खानचे चित्रपट मागील अनेक वर्षांपासून बॉक्स ऑफिसवर कमाईचे विक्रम करत आहेत. अवैध शस्त्रास्त्र बाळगल्याप्रकरणी जोधपूर कोर्टात आज सलमान खानबाबत फैसला होणार आहे. जर सलमान यात दोषी आढळला तर त्याला सात वर्षांच्या तुरुंगवासाची शिक्षा होऊ शकते. बॉलिवूडच्या 'प्रेम'ला तुरुंगवास झाल्यास त्याच्या काही सिनेमांवर टांगती तलवार कायम आहे. या चित्रपटांवर कोट्यवधी रुपये लागले आहेत.

टायगर जिंदा है : सलमान खानचा हा सिनेमा 22 डिसेंबर 2017 ला प्रदर्शित होणार आहे. रणबीर कपूरचा 'जग्गा जासूस' आणि सलमानच्या 'टायगर जिंदा है' या चित्रपटांच्या प्रदर्शनाच्या तारखा क्लॅश होणार असल्याचं कळतं. टायगर जिंदा है सलमानच्या एक था टायगरचा सिक्वेल आहे. सिनेमाचं बहुतांश काम पूर्ण झालं असून पोस्टर रिलीज झालं आहे. मागील सिनेमाची कमाई आणि या सिनेमाचा खर्च पाहता 'टायगर जिंदा है' लटकला तर बॉलिवूडला मोठा झटका बसू शकतो.

जुडवा 2 : सलमान खानचा सुपरहिट चित्रपट 'जुडवा'चा सिक्वेल आहे. सिनेमात वरुण धवन लीड रोलमध्ये आहे. पण सलमानचा यात कॅमियोही आहे. या कारणामुळेच या सिनेमाची क्रेझ आहे. सिनेमाचं शूटिंग परदेशात होणार असल्याचं निश्चित झालं आहे. जर सलमानला जेल झाली तर त्याचा परिमाण 'जुडवा 2' वरही होणार आहे.

दबंग 3 : 'दबंग' सीरिजच्या सिक्वेलचं शूटिंग 2018 पासून सुरु होण्याची शक्यता आहे. अभिनेत्रीचं नाम अद्याप निश्चित झालेलं नाही. हा सिनेमाची निर्मिती सलमान खानच्या इन-हाऊस प्रॉक्शनअंतर्गत होणार आहे. पण सलमान खानला तुरुंगवास झाला तर बॉलिवूड इंडस्ट्रीला कोट्यवधीचा झटका बसू शकतो.

'ट्यूबलाईट' 'ट्यूबलाईट' यंदा ईदला प्रदर्शित होणार आहे. या सिनेमात सलमान खानच्या अपोझिट चीनमधील अभिनेत्री आहे. तर शाहरुख खान पाहुण्या कलाकाराच्या भूमिकेत आहे. सलमानला तुरुंगवास झाल्यास हा चित्रपट लटकू शकतो. सिनेमाचं शूटिंग अद्याप सुरु आहे.