IND vs AUS : 52 वर्षांची प्रतीक्षा संपली, भारताच्या हॉकी संघानं ऑस्ट्रेलियाला लोळवलं, पॅरिस ऑलिम्पिकमध्ये उपांत्यपूर्व फेरीत धडक

Paris Olympic : पॅरिस ऑलिम्पिकमध्ये भारतानं ऑस्ट्रेलियाला 3-2 अशा गोलनं पराभूत केलं आहे. भारतानं तब्बल 52 वर्षांनी ऑस्ट्रेलियावर विजय मिळवला.

भारतीय हॉकी संघ

पॅरिस ऑलिम्पिकमध्ये भारताच्या हॉकी संघानं इतिहास रचला. बलाढ्य ऑस्ट्रेलियाचा भारतानं 3-2 असा पराभव केला. भारतानं या विजयासह उपांत्यपूर्व फेरीत प्रवेश केला. भारत उपांत्यपूर्व फेरीत ब्रिटन आणि जर्मनी यांच्यातील विजयी संघासोबत खेळेल.

भारताच्या हॉकी संघानं पॅरिस ऑलिम्पिकमधील तिसरा विजय मिळवला.भारतानं न्यूझीलंड, आयरलँड आणि ऑस्ट्रेलियाला पराभूत केलं आहे. अर्जेंटिनाविरुद्ध भारताचा सामना बरोबरीत सुटला.