IPL 2023 : आयपीएलमध्ये 'हिटमॅन'ची शानदार कामगिरी, 250 षटकार ठोकणारा पहिला भारतीय

IPL 2023 : आयपीएलमध्ये 'हिटमॅन'ची शानदार कामगिरी, 250 षटकार ठोकणारा पहिला भारतीय

Rohit Sharma Record in IPL 2023

Rohit Sharma In IPL 2023 : आयपीएल 2023 (IPL 2023) मध्ये 31 व्या सामन्यात मुंबई इंडियन्स (MI) आणि पंजाब किंग्स (PBKS) यांच्यात लढत पाहायला मिळाली.

या सामन्यात मुंबई संघाला 13 धावांनी पराभव पत्करावा लागला. पण असं असलं तरी मुंबई इंडियन्सचा कर्णधार रोहित शर्माने या सामन्यात ऐतिहासिक कामगिरी केली आहे.

रोहित शर्मा आयपीएलमध्ये 250 षटकार ठोकणारा पहिला भारतीय खेळाडू ठरला आहे. आयपीएलच्या इतिहासात 250 षटकार ठोकणारा 'हिटमॅन' तिसरा खेळाडू आहे.

मुंबई इंडियन्स संघाचा कर्णधार रोहित शर्माने पंजाब विरुद्धच्या सामन्यात 27 चेंडूत 44 धावांची खेळी केली. त्याने चार चौकार आणि तीन षटकार ठोकले. या खेळीसोबत त्याने नवा विक्रम आपल्या नावे केला आहे.

इंडियन प्रीमियर लीगच्या इतिहासात 250 षटकार ठोकणारा रोहित शर्मा हा पहिला भारतीय क्रिकेटपटू ठरला आहे.

आयपीएलच्या इतिहासात सर्वाधिक षटकार ठोकण्याचा विक्रम ख्रिस गेलच्या नावावर आहे. त्यानंतर दुसऱ्या क्रमांकावर एबी डिव्हिलियर्स आहे.

रोहित शर्मा आयपीएलमध्ये 250 षटकार ठोकणारा तिसरा खेळाडू आहे. आतापर्यंत आयपीएलमध्ये सर्वात जास्त षटकार ठोकण्याचा विक्रम ख्रिस गेलच्या नावावर आहे. ख्रिस गेलने आयपीएलमध्ये 357 षटकार ठोकले आहेत.

त्यानंतर दुसऱ्या क्रमांकावर एबी डिव्हिलियर्स आहे. डिव्हिलियर्सच्या नावावर आयपीएलमध्ये 251 षटकार ठोकल्याची नोंद आहे. त्यानंतर आता रोहित शर्मा या यादीत तिसऱ्या क्रमांकावर पोहोचला आहे.

मुंबई इंडियन्सचा कर्णधार रोहित शर्माने सनरायझर्स हैदराबादविरुद्धच्या सामन्यात इतिहास रचला. रोहित शर्माने आयपीएल कारकिर्दीतील सहा हजार धावांचा टप्पा पूर्ण केला आहे.