RCB vs LSG : रिषभ पंतचं स्पेशल शतक, बंगळुरुचं टेन्शन वाढलं,लखनौचा धावांचा डोंगर, आरसीबीला विजयासाठी मोठं आव्हान

Rishabh Pant : रिषभ पंतनं आयपीएलमधील शेवटच्या साखळी सामन्यात दमदार शतक केलं. रिषभच्या या कामगिरीच्या जोरावर लखनौनं 200 धावांचा टप्पा पार केला.

रिषभचं दमदार शतक

लखनौ सुपर जायंटस आणि रॉयल चॅलेंजर्स बंगळुरु यांच्यातील सामन्यात लखनौनं पहिल्यांदा फलंदाजी करताना 3 बाद 227 धावा केल्या.

रॉयल चॅलेंजर्स बंगळुरुच्या दृष्टीनं आजचा सामना महत्त्वाचा आहे. आजचा सामना जिंकल्यास ते थेट क्वालिफायर 1 मध्ये जाऊ शकतात. मात्र, लखनौच्या फलदाजांनी बंगळुरुच्या गोलंदाजीची धुलाई केली.

रिषभ पंतनं 61 बॉलमध्ये 8 षटकार आणि 11 चौकारांसह 118 धावा त्यानं केल्या. रिषभ पंत नाबाद परतला.

रिषभ पंतनं शतकानंतर अनोख्या पद्धतीनं सेलिब्रेशन केलं. रिषभच्या चाहत्यांनी त्याच्या या खेळीची पूर्ण सिझनमध्ये वाट पाहिली. अखेरच्या सामन्यात त्यानं शतक झळकावलं.

मिशेल मार्शनं देखील 5 षटकार आणि चार चौकार मारत 67 धावा केल्या. मिशेल मार्श रिषभ पंत यांच्या दमदार फलंदाजीमुळं लखनौनं 200 धावांचा टप्पा पार केला.

रॉयल चॅलेंजर्स बंगळुरुला विजयासाठी 228 धावा कराव्या लागतील. आता लखनौचे गोलंदाज बंगळुरुला रोखण्यात यश मिळवतात का ते देखील पाहावं लागेल.