Ronaldo : ख्रिस्तियानो रोनाल्डोचा सौदीच्या अल नासर क्लबशी विक्रमी करार, वर्षाला 800 कोटी कमवणार

Cristiano Ronaldo: स्टार फुटबॉलर ख्रिस्तियानो रोनाल्डो काही दिवसांपूर्वी मँचेस्टर युनायटेडपासून वेगळा झाला, ज्यानंतर आता सौदी अरेबियाच्या (Saudi Arabia) अल नासर या क्लबसोबत तो जोडला गेला आहे.

Cristiano Ronaldo

पोर्तुगालचा कर्णधार आणि स्टार फुटबॉलर ख्रिस्तियानो रोनाल्डो याने आजवर एकामागे एक अनेक रेकॉर्ड आपल्या नावावर केले आहेत.

आता त्याने सर्वाधिक रक्कम मिळवत नवा क्लब साईन करण्याचा रेकॉर्डही मोडला आहे.

सौदी अरेबियाच्या अल नासर  (Al Nassr) या क्लबसोबत अडीच वर्षांचा करार रोनाल्डोने साईन केला आहे.

रोनाल्डोने तब्बल 200 मिलीयन युरोजना हा करार केला आहे, त्यामुळे भारतीय रुपयांनुसार तो वर्षाला जवळपास 800 कोटी कमवणार आहे.

त्यामुळे तो जगातील सर्वाधिक कमाई करणारा खेळाडू बनला आहे. युरोपमध्ये अनेक वर्षे खेळल्यानंतर तो आता आशियाई क्लबकडून खेळणार आहे.

काही दिवसांपूर्वी तो मँचेस्टर युनायटेड क्लबपासून वेगळा झाला. दोघांच्या सहमतीने हा निर्णय घेण्यात आल्याचं क्लबनं सांगितलं होतं.

मँचेस्टर युनायटेडनं त्यांच्या अधिकृत ट्वीटरवरुन ट्वीट करत ही माहिती दिली होती. त्यानंतर मागील काही दिवस रोनाल्डो कोणत्याच क्लबमध्ये नव्हता.

त्याकाळात फिफा विश्वचषक 2022 स्पर्धेत रोनाल्डो पोर्तुगाल संघाला घेऊन मैदानात उतरला होताय.

सुरुवातीपासून पोर्तुगालने चांगली कामगिरी केली पण बाद फेरीत मोरोक्कोने पोर्तुगालला पराभूत करत स्पर्धेबाहेर केलं.

रोनाल्डो त्याच्या दमदार खेळासह फिटनेससाठी देखील ओळखला जातो. तो लवकरच मैदानात उतरणार असून चाहते त्याला पाहायला उत्सुक आहेत.