Operation Ajay : इस्रायलमधून भारतीयांची चौथी तुकडी दिल्लीत दाखल, 274 भारतीय सुखरुप मायदेशी

Israel-Hamas Conflict : इस्रायलमध्ये अडकलेल्या भारतीयांच्या सुटकेसाठी भारताने ऑपरेशन अजय हाती घेतलं आहे.

Israel Palestine War Operation Ajay

इस्रायलहून भारतीयांची चौथी तुकडी दिल्लीत दाखल झाली आहे. यामध्ये 250 हून अधिक भारतीय सुखरुप मायदेशी परतले आहेत.

इस्रायलमधून भारतात सुखरूप परतलेल्यांच्या पहिल्या तुकडीत महिला, वृद्ध आणि लहान मुलांसह एकूण 274 लोक भारतात सुखरुप पोहोचले आहेत.

इस्रायल-हमास युद्धादरम्यान भारताच्या ऑपरेशन अजय अंतर्गत इस्रायलमध्ये अडकलेल्या भारतीय नागरिकांना घेऊन येणारे चौथे विमान रविवारी सकाळी नवी दिल्ली विमानतळावर पोहोचले.

यामध्ये 274 भारतीय प्रवाशांना घेऊन या विमान दिल्लीत पोहोचलं. इस्रायलहून भारतात परतणाऱ्या प्रवाशांची निवड 'प्रथम येणाऱ्यास प्राधान्य' या तत्त्वावर करण्यात आली.

भारताचे परराष्ट्र मंत्री एस जयशंकर यांनी रविवारी सकाळी ट्विटरवरून माहिती देत फोटो शेअर केले आहे.

इस्रायलमध्ये अडकलेल्या भारतीयांच्या सुटकेसाठी भारताने ऑपरेशन अजय हाती घेतलं आहे. ऑपरेशन अजय अंतर्गत आतापर्यंत 500 हून भारतीय सुखरुप परतले आहेत.

इस्रायल-हमास युद्धात आतापर्यंत 4500 हून अधिक लोकांचा मृत्यू झाला असून 12000 हून अधिक जण जखमी झाले आहेत.

याआधी इस्रायलहून भारतीयांच्या तीन तुकड्या भारतात पोहोचल्या आहेत. पहिल्या तुकडीत 212 भारतीय, दुसऱ्या तुकडीत 235 भारतीय आणि आता तिसऱ्या तुकडीत 197 भारतीय सुखरुप मायदेशी परतले आहेत.

इस्रायल-हमास संघर्ष सुरुच आहे. जगभरातील अनेक देश हे युद्ध थांबवण्यासाठी मध्यस्थी करण्याचा प्रयत्न करत आहेत.