Thane: डॉ. बाबासाहेब आंबेडकर जयंतीच्या पार्श्वभूमीवर ठाणे निळ्या रंगानं उजळलं

Ambedkar Jayanti 2023

डॉ. बाबासाहेब आंबेडकर यांच्या 132 व्या जयंतीनिमित्त ठाणे महानगरपालिकेच्या वतीने भव्य मिरवणुकीचं आयोजन करण्यात आलं आहे.

शुक्रवारी देशभरात भारतरत्न डॉ. बाबासाहेब आंबेडकर यांची 132 जयंती उत्साहात साजरी केली जाणार आहे.

त्या पार्श्वभूमीवर आज ठाणे महापालिकेतर्फे आकर्षक रोषणाई करण्यात आली आहे.

ठाणे महापालिकेतर्फे शहरातील मुख्य शासकीय इमारती तसेच पूल, पादचारी पूल यांच्यावर निळ्या रंगाची रोषणाई करण्यात आली आहे.

या रोषणाईच्या माध्यमातून डॉ. बाबासाहेब आंबेडकर यांना आदरांजली वाहण्यात येणार आहे.

ठाणे महापालिका मुख्यालय, राम गणेश गडकरी रंगायतन, डॉ. काशिनाथ घाणेकर नाटयगृह, जिल्हाधिकारी कार्यालय सजवण्यात आलं आहे.

तसेच नियोजन भवन, जुना आणि नवीन कळवा खाडी पूल, कोपरी, आनंदनगर पादचारी पूल आदींवर ही रोषणाई करण्यात आली आहे.

डॉ. बाबासाहेब आंबेडकर यांच्या 132 व्या जयंतीनिमित्त ठाणे महानगरपालिकेच्या वतीने भव्य मिरवणुकीचं आयोजन करण्यात आलं आहे.

डॉ. बाबासाहेब आंबेडकर जयंतीनिमित्त राज्यभरात विविध कार्यक्रमांचं आयोजन करण्यात आलं आहे.