काचा फोडल्या, फॅन वाकवले; अक्षय शिंदेच्या चाळीतील घरात गावकरी शिरले अन् होत्याचं नव्हतं केलं!

बदलापूर अत्याचार प्रकरणातील आरोपी अक्षय शिंदेच्या घराबाहेर पोलीस बंदोबस्त तैनात करण्यात आला आहे.

Badlapur News

अक्षय शिंदेने शाळेतील मुलींवर अत्याचार केल्याचा आरोप आहे.

या क्रूरकृत्यामुळे दोन दिवसांपूर्वी बदलापुरात मोठं आंदोलन झालं होतं.

इतकंच नाही तर गावकऱ्यांनी त्याच्या घरावर हल्ला करुन, तोडफोड केली होती.

गावकऱ्यांच्या हल्ल्यात अक्षय शिंदेच्या कुटुंबालाही मारहाण झाली.

त्यामुळे आता पोलिसांनी मोठा पोलिस बंदोबस्त तैनात केला आहे.

ग्रामस्थांनी अक्षय शिंदे याच्या घरावर हल्ला चढवला तेव्हा त्याच्या घरात लहान मुलांची खेळणी सापडली. ही खेळणी नेमकी कुठून आली, असा प्रश्न आता उपस्थित झाला आहे.

एसआयटी पथकाकडून तपास केला जाण्याची शक्यता आहे.

बदलापूरमध्ये मंगळवारी नागरिकांकडून उग्र आंदोलन करण्यात आले होते.

या पार्श्वभूमीवर बुधवारी बदलापूर शहरातील इंटरनेट सेवा बंद ठेवण्यात आली होती.