PHOTO : साताऱ्यातील वासोटा किल्ल्यावर तीन दिवस पर्यटकांना नो एन्ट्री

साताऱ्यातील वासोटा किल्ल्यावर 30 डिसेंबर ते 1 जानेवारी दरम्यान पर्यटकांना बंदी घालण्यात आली आहे.

Vasota Fort Tourist Ban

नववर्षाच्या (New Year) स्वागताला किंवा वीकेण्डला सातारा जिल्ह्यातील वासोटा किल्ल्यावर जाण्याचा विचार करत असाल तर ही बातमी तुमच्यासाठी आहे. (PHOTO : JaiBhairavnth CampSide Bamnoli Kasabe Facebook)

वासोटा किल्ल्यावर 30 डिसेंबर ते 1 जानेवारी दरम्यान पर्यटकांना बंदी घालण्यात आली आहे. वन विभागाने हा निर्णय घेतला आहे.

पर्यटक तसंच गर्दीतील हुल्लडबाजांचा जंगली प्राण्यांना त्रास होऊ नये यासाठी हा निर्णय घेण्यात आला आहे.

वासोटा हा सह्याद्री पर्वतरांगानमधील सातारा-रत्नागिरी जिल्ह्याच्या हद्दीवरचा एक भाग आहे. छत्रपती शिवरायांच्या या किल्ल्याचं ट्रेकर्स, दुर्गप्रेमी, निसर्गप्रेमीसह पर्यटकांमध्ये आकर्षण आहे. (PHOTO : Amruta Prakash Facebook)

जावळी तालुक्याच्या दुर्गम भागात कोयना अभयारण्य आणि सह्याद्री व्याघ्र प्रकल्पाच्या निसर्गसंपन्न गाभा क्षेत्रात शिवसागर जलाशयाच्या पलीकडे वासोटा किल्ला आहे. (PHOTO : Umesh Sadambar Facebook)

नववर्षाच्या स्वागतासाठी अनेक जण मोठ्या प्रमाणात घराबाहेर पडतात. या स्थळांमध्ये वासोटो किल्ल्याचाही समावेश आहे. त्याच पार्श्वभूमीवर पर्यटक वासोटा किल्ल्याकडे येतील ही शक्यता लक्षात घेऊन किल्ल्यावर त्यांना तीन दिवस बंदी घालण्यात आली आहे.

वासोटा किल्ला हा वन्यजीव विभागाच्या गाभा क्षेत्रात येत असल्याने या परिसरात पर्यटकांची गर्दी वाढून निसर्गसंपदेला तसंच वन्यजीवांना कोणतीही हानी पोहोचू नये, यासाठी पर्यटकांना शुक्रवारपासून (30 डिसेंबर) रविवारपर्यंत (1 जानेवारी) प्रवेश बंदी करण्यात आली आहे.

वन विभागाने कोयना जलाशयातून पर्यटक वाहतूक करणाऱ्या बामणोली, तापोळा विभागातील बोट चालकांना याबाबत सूचना दिली आहे.

या काळात वासोटा किल्ला परिसरासह अभयारण्याच्या गाभा क्षेत्रात कोणी व्यक्ती बेकायदेशीररित्या आढळल्यास त्याच्यावर कायदेशीर कारवाई करण्यात येईल, अशी माहिती बामणोली वन्यजीव वनक्षेत्रपाल बाळकृष्ण हसबनीस यांनी दिली.