Mumbai-Pune Express : पुणे, मुंबई एक्स्प्रेसवर प्रचंड वाहतूक कोंडी, आठ ते दहा किमीपर्यंत रांगा, काही मिनिटांचं अंतर पार करण्यासाठी लागतोय तासभर

Mumbai-Pune Express : मुंबई-पुणे एक्सप्रेस वेवर आठ ते दहा किलोमीटरपर्यंत वाहनांच्या रांगा लागल्या आहेत.

Mumbai-Pune Express

पुणे: कामगार दिन व उन्हाळी सुट्ट्यांच्या पार्श्वभूमीवर मोठ्या संख्येने पर्यटक पर्यटनस्थळांकडे निघाल्याने मुंबई-पुणे एक्सप्रेस हायवेवर वाहतूक कोंडी निर्माण झाली आहे.

खंडाळा घाट ते खालापूर दरम्यान तब्बल आठ ते दहा किलोमीटरपर्यंत वाहनांच्या रांगा पाहायला मिळत असून, काही मिनिटांचे अंतर पार करण्यासाठी तासनतास वेळ लागत आहे.

आज कामगार दिनाच्या सुट्टीमुळे शासकीय व निमशासकीय कार्यालये बंद आहेत, तसेच शाळांना उन्हाळी सुट्या सुरू झाल्याने नागरिकांनी पर्यटनस्थळी जाण्याचे नियोजन केले आहे.

त्यामुळे महामार्गावर अचानक वाहनांची गर्दी वाढली असून, रस्त्यात अडकलेल्या पर्यटकांना वेळेचे नियोजन कोलमडले असल्याने मोठा मनस्ताप सहन करावा लागत आहे.

तब्बल आठ ते दहा किलोमीटरपर्यंत वाहनांच्या रांगा लागल्याने प्रवाशांना मनस्ताप सहन करावा लागत आहे.

मोठ्या संख्येने पर्यटक पर्यटनस्थळांकडे निघाल्याने मुंबई-पुणे एक्सप्रेस हायवेवर वाहतूक कोंडी निर्माण झाली आहे.