एक्स्प्लोर

Mumbai Pune Express Way : अंतर कमी होणार, वेळ वाचणार; मुंबई पुणे एक्स्प्रेस'वेच्या मिसिंग लिंकचं काम सुसाट, टार्गेट ठरलं

Mumbai Pune Express Way : खालापूर ते खोपोली इंटरचेंज आणि खोपोली एग्झिट ते कुसगाव (सिंहगड संस्था) या दरम्यानचा भाग हा सुधारित मार्ग आहे.

Written By : जयदीप मेढे | Updated at : 12 Feb 2025 10:29 AM (IST)

Mumbai Pune Express Way

1/8

खालापूर ते खोपोली इंटरचेंज आणि खोपोली एग्झिट ते कुसगाव (सिंहगड संस्था) या दरम्यानचा भाग हा सुधारित मार्ग आहे. यामध्ये 19 किलोमीटरचं अंतर सहा किमीने कमी होऊन 13. 3 किमी इतकं होणार आहे, त्यामुळे वेळ देखील वाचणार आहे.

2/8

मुंबई-पुणे द्रुतगती महामार्गावरील अत्यंत महत्त्वाच्या ‘मिसिंग लिंक’ प्रकल्पावर काम जलद गतीने सुरू आहे. यामुळे मुंबईकरांसह पुणेकरांची ओढ लागलेली असून, राज्यातील प्रमुख रस्त्यांपैकी एक असलेल्या या मार्गाच्या सुधारित कार्याची पाहणी सार्वजनिक बांधकाम राज्यमंत्री मेघना साकोरे-बोर्डीकर यांनी मंगळवारी केली.

3/8

यावेळी त्यांनी संबंधित अधिकाऱ्यांना काम ऑगस्टपर्यंत पूर्ण करण्याचे निर्देश दिले, तसेच प्रकल्प दर्जेदार व्हावा, यावरही भर दिला. मेघना साकोरे-बोर्डीकर यांनी यावेळी सांगितले की, हा प्रकल्प पूर्ण झाल्यास मुंबई-पुणे द्रुतगती मार्गावर प्रवास अधिक वेगवान, सुरक्षित आणि आरामदायक होईल. त्याचप्रमाणे या मार्गाच्या सुधारणेने प्रवाशांना अनेक फायदे मिळणार आहेत.

4/8

ही 'मिसिंग लिंक' खालापूर ते खोपोली इंटरचेंज आणि खोपोली एग्झिट ते कुसगाव (सिंहगड संस्था) या भागामध्ये असून, सध्या 19 किमी असलेले अंतर आता 13. 3 किमी पर्यंत कमी होईल. यामुळे प्रवासाच्या वेळेत 20-25 मिनिटांची बचत होईल. याव्यतिरिक्त, इंधनाची बचत, वायु प्रदूषणात घट, घाट रस्त्यावरील वाहतूक कोंडी कमी होणे आणि अपघातांचा धोका कमी होण्याची शक्यता आहे.

5/8

प्रकल्प सल्लागार, कंत्राटदार आणि राज्य रस्ते विकास महामंडळाच्या पुणे विभागातील अभियंते यावेळी उपस्थित होते. मुंबई-पुणे एक्स्प्रेस वेवरील बोरघाटात वाहतूक कोंडी आणि अपघात होतात.

6/8

तसेच, पावसाळ्यात येथे दरडी कोसळण्याच्या घटनांमुळे वाहतुकीला अडथळे येतात. हे लक्षात घेऊन, हा नवीन प्रकल्प हाती घेण्यात आला आहे.

7/8

कोणत्या रस्त्यांचा यामध्ये समावेश? सासवड रस्ता, कात्रज-मंतरवाडी बायपास, जुना विमानतळ रस्ता, आळंदी रस्ता, पुणे-मुंबई जुना रस्ता, शास्त्री रस्ता, नेहरू रस्ता, टिळक रस्ता, साधू वासवानी रस्ता, बंडगार्डन रस्ता, डॉ. आंबेडकर रस्ता, महात्मा गांधी रस्ता (एमजी रोड), प्रिन्स ऑफ वेल्स रस्ता, कोंढवा मुख्य रस्ता, जंगली महाराज रस्ता, नामदार गोपाळ कृष्ण गोखले रस्ता, सेनापती बापट रस्ता.

8/8