Pune News: पाण्याचा विसर्ग वाढल्याने मुठेत जलपर्णीचं साम्राज्य; वेळीच जलपर्णी न काढल्याने प्रवाहाला अडथळा

Pune

खडकवासला धरणातून मोठ्या प्रमाणात पाण्याचा विसर्ग सोडण्यात आल्यामुळे मुठा नदी पात्रात मोठ्या प्रमाणात जलपर्णी देखील वाहून आलेली आहे.

पुण्यातील शनिवार पेठेतील ओंकारेश्वर मंदिराजवळील मुठा नदीपात्रात मोठी जलपर्णी साचलेली पाहायला मिळत आहे.

आता पुढील धोका लक्षात घेत पुणे महानगरपालिकेच्या आपत्ती व्यवस्थापनाकडून या जलपर्णी हटवण्याच काम सुरू झालं आहे.

चार जेसीबीच्या साह्याने जलपर्णी बाजूला काढण्याचा काम सुरू झालेले आहे.

गेल्या काही दिवसात पुण्यात पावसाचा जोर वाढला आहे. त्यामुळे धरणातून पाण्याचा मोठा विसर्ग सुरू केला आहे .

जवळपास सगळ्याच नदी पत्रात मोठ्या प्रमाणात जलपर्णी जमा झाल्याचं चित्र दिसत आहे.

पण महापालिकेने वेळीच जलपर्णी न काढल्याने आता पाण्याच्या प्रवाहाला देखील अडथळा होताना दिसत आहे