In Pics : चित्रकार सुमन दाभोलकरने नदीतल्या खडकावर साकारले डॉ. बाबासाहेब आंबेडकरांचे चित्र

Dr Babasaheb Ambedkar

डॉ. बाबासाहेब आंबेडकर यांचा आज महापरिनिर्वाण दिवस.

महापरिनिर्वाण दिवसाचे औचित्य साधत चित्रकार सुमन दाभोलकरने नदीतल्या खडकावर बाबासाहेब आंबेडकरांचे चित्र साकारले आहे.

महामानवाला वंदन म्हणून एका विशाल खडकावर त्यांचं चित्र साकारावं ही कल्पना मनात आल्याने चित्र साकारल्याचे सुमन म्हणाला.

या चित्रासाठी सुमनने करड्या रंगसंगतीचा वापर केला आहे.

सुमनच्या मते, "दगड ही निसर्गाची निर्मिती आहे. त्यातून एक रंगशिल्प साकारलं जातंय हे मला भावतं.निसर्ग हा एक भला मोठा कॅनव्हास आहे. तो खूप काही शिकवत असतो".

एकीकडे महामानवाला अभिवादन करण्यासाठी भीम अनुयायांची पावलं चैत्यभूमीकडे वळत आहेत. तर दुसरीकडे कलेच्या माध्यमातून महामानवाला वंदन केले जात आहे.