Veer Savarkar Airport : अंदमान-निकोबारला 710 कोटींची भेट, पोर्ट ब्लेअर विमानळाच्या नव्या टर्मिनलचं पंतप्रधानांच्या हस्ते उद्घाटन

Port Blair Airport : पंतप्रधान मोदी यांनी अंदमान-निकोबारच्या पोर्ट ब्लेअरच्या वीर सावरकर आंतरराष्ट्रीय विमानतळाच्या नव्या टर्मिनलचं उद्घाटन केलं आहे.

Port Blair Veer Savarkar International Airport Andaman Nicobar

Veer Savarkar International Airport : भारताचा केंद्रशासित प्रदेश अंदमान-निकोबारला 710 कोटींची भेट दिली आहे.

पंतप्रधान मोदी यांनी आज पोर्ट ब्लेअरच्या वीर सावरकर आंतरराष्ट्रीय विमानतळाच्या नव्या टर्मिनलचं उद्घाटन केलं आहे.

पंतप्रधान नरेंद्र मोदी यांनी व्हिडीओ कॉन्फरेन्सिंगद्वारे अंदमान-निकोबारवरील विमानतळाच्या नवीन टर्मिनलचं उद्घाटन केलं आहे.

सुमारे 710 कोटी रुपये खर्चून बांधलेल्या नवीन एकात्मिक टर्मिनलमुळे केंद्रशासित प्रदेशाचा संपर्क वाढेल.

अंदाजे 40,800 चौरस मीटरच्या एकूण बिल्ट-अप क्षेत्रासह, नवीन टर्मिनल इमारत दरवर्षी अंदाजे 5 दशलक्ष प्रवाशांना हाताळण्यास सक्षम असेल.

पोर्ट ब्लेअर विमानतळावर 80 कोटी रुपये खर्चून दोन बोईंग-767-400 आणि दोन एअरबस-321 प्रकारच्या विमानांसाठी उपयुक्त असलेले ऍप्रनही बांधण्यात आले आहेत.

वीर सावरकर आंतरराष्ट्रीय विमानतळावर आता एकावेळी 10 विमानांची पार्किंग करता येणार आहे.

विमानतळ टर्मिनलची स्थापत्य रचना समुद्र आणि बेटांवरील करणाऱ्या शंख-आकाराच्या संरचनेप्रमाणे आहे.

संपूर्ण टर्मिनलमध्ये दिवसाचे 12 तास 100 टक्के नैसर्गिक प्रकाश असेल, जो छतावर बसवलेल्या स्कायलाइट्समधून येईल. नवीन टर्मिनल इमारत 28 चेक-इन काउंटर, तीन प्रवासी बोर्डिंग ब्रिज आणि इतर सुविधांनी सुसज्ज आहे.