MG Hector 2023: नेक्स्ट-जनरेशन एमजी हेक्टर आली, ADAS लेव्हल 2 तंत्रज्ञानासह मिळणार हे जबरदस्त फीचर्स

2023 MG Hector Facelift Unveiled in India

एमजी मोटर इंडियाने (MG Motor India) आज नेक्स्ट-जनरेशन हेक्टरचे (Next-Gen Hector) अनावरण केलं आहे.

या कारमध्ये अनेक नवीन तंत्रज्ञान, आरामदायी ड्रायव्हिंग फीचर्सचा समावेश आहे.

नेक्स्ट-जनरेशन हेक्टरची निर्मिती ही अधिक सर्वोत्तम सुरक्षितता आणि ड्रायव्हिंग सोयीसुविधेसह ऑन-रोड अनुभव वाढवण्यासाठी करण्यात आली आहे.

या नव्या एसयूव्हीमध्ये नवीन आकर्षक एक्स्टीरिअर आणि लक्ष वेधून घेणारे इंटीरिअर्स, सुधारित सुरक्षितता फीचर्स आहेत.

ऑटोनॉमस लेव्हल 2 एसयूव्हीमध्ये 11 अॅडवान्स्ड ड्रायव्हर असि‍स्टण्स सिस्टम्स (एडीएएस) फीचर्ससह ट्रॅफिक जॅम असिस्ट (टीजेए) आणि ऑटो टर्न इंडिकेटर्स आहेत, ज्यामधून परिपूर्ण मन:शांती, सुरक्षितता आणि आरामदायीपणाची खात्री मिळते.

इंटेलिजण्ट ट्रॅफिक जॅम असिस्ट (टीजेए) व्हेईकलला लेनच्या मध्यभागी आणि पुढील बाजूस असलेल्या व्हेईकलपासून सुरक्षित अंतर ठेवत वाहतूक कोंडीच्या स्थितीत किमान प्रयत्न आणि अधिक सुरक्षिततेची खात्री देते.

नेक्स्ट जनरेशन एमजी हेक्टरमध्ये नवीन सादर करण्यात आलेले स्मार्ट ऑटो टर्न इंडिकेअर्स देखील त्रासमुक्त आणि सुरक्षित ड्रायव्हिंगचा अनुभव देतात.

स्टीअरिंग अँगलवर आधारित संबंधित इंडिकेटर लाईट आपोआप ऑन किंवा ऑफ होते. हे ऑटोमॅटिक सिग्नल पार्किंगमधून रस्त्यावर येताना किंवा यू-टर्न घेताना ड्रायव्हर इंडिकेटर देण्यास विसरला तर उपयुक्त ठरेल.

तसेच नेक्स्ट-जनरेशन हेक्टरमध्ये 75 हून अधिक कनेक्टेड फीचर्ससह 100 वॉईस कमांड्स आहेत, ज्याचे श्रेय आय-स्मार्ट तंत्रज्ञानाला जाते, ज्यामध्ये स्मार्टर आणि आनंददायी ड्राइव्हसाठी हार्डवेअर, सॉफ्टवेअर, कनेक्टिव्हीटी, सर्विसेस आणि अॅप्लिकेशन्स आहेत.

नेक्स्ट-जनरेशन हेक्टरमध्ये इतर प्रमुख सुरक्षितता फीचर्समध्ये 6 एअरबॅग्स, 360-डिग्री, एचडी कॅमेरा, इलेक्ट्रॉनिक स्टेबिलिटी प्रोग्राम (ईएसपी), ट्रॅक्शन कंट्रोल सिस्टम (टीसीएस), हिल असिस्ट कंट्रोल (एचएसी), ऑल फोर-व्हील डिस्क ब्रेक्स, सर्व आसनांसाठी 3-पॉईंट सीट बेल्ट, इलेक्ट्रिक पार्किंग ब्रेक (ईपीबी)आणि फ्रण्ट पार्किंग सेन्सर्सचा समावेश आहे.