Pregnancy Diet For Winter: हिवाळ्यात गर्भवती महिलांनी घ्यावी विशेष काळजी; आहारात या पदार्थांचा समावेश करा!

प्रत्येक ऋतूमध्ये गरोदर महिलांना स्वत:ची अत्यंत काळजी घ्यावी लागत असली, तरी हिवाळ्यात आपले आरोग्य अधिक संवेदनशील बनते. अशा परिस्थितीत निरोगी राहण्यासाठी या गोष्टींचे सेवन करणे आवश्यक आहे.

गर्भधारणा

गरोदरपणात महिलांमध्ये अनेक प्रकारचे शारीरिक आणि हार्मोनल बदल होतात. या काळात आरोग्याबाबत अत्यंत सावध राहावे लागेल.

जर आपण हिवाळ्याबद्दल बोललो तर या ऋतूमध्ये आपले शरीर अधिक संवेदनशील बनते. या काळात सर्दी, ताप यासारखे अनेक विषाणूजन्य संसर्ग शरीराला वेढू शकतात. याला सामोरे जाण्यासाठी, शरीराची प्रतिकारशक्ती मजबूत करणे खूप महत्वाचे आहे. हिवाळ्यात शरीर निरोगी ठेवण्यासाठी आणि कोणत्याही प्रकारच्या संसर्गापासून संरक्षण करण्यासाठी गर्भवती महिला या आरोग्यदायी पदार्थांचा आहारात समावेश करू शकतात.

गरोदरपणात कॅल्शियमयुक्त आहार अवश्य घ्या. यामुळे तुमची हाडे मजबूत होतील आणि गर्भातील बाळाचा विकासही चांगला होईल. या ऋतूत दह्याचे सेवन देखील फायदेशीर आहे. यामध्ये असलेले चांगले बॅक्टेरिया शरीराला संसर्गापासून वाचवतात.

गर्भधारणेदरम्यान आयोडीनची कमतरता मुलाच्या मानसिक विकासावर मोठ्या प्रमाणात परिणाम करू शकते. यासाठी अंडी आणि सीफूडचा आहारात समावेश करा. त्याचबरोबर जेवणात मीठाचे प्रमाण पुरेसे ठेवा.

हिवाळ्यात, गर्भवती महिलांनी संत्री, सफरचंद आणि केळीसह व्हिटॅमिन सी समृद्ध फळांचे सेवन करणे आवश्यक आहे. यामुळे शरीराची प्रतिकारशक्ती मजबूत होते. या ऋतूत मेथी, पालक, फ्लॉवर यासह हिरव्या भाज्यांचेही सेवन करावे.

गर्भधारणेदरम्यान बद्धकोष्ठता, मळमळ, उलट्या आणि अपचन या समस्या टाळण्यासाठी फायबरयुक्त अन्नाचे सेवन देखील केले पाहिजे. यासाठी तुम्ही मसूर, वाटाणा, शेंगदाणे आणि बीन्सचे सेवन करू शकता.

गरोदरपणात हिरवे वाटाणे आणि चणे खाल्ल्याने शरीराला फॉलिक अॅसिड मिळते. यामुळे मुलासाठी चांगल्या दर्जाचे दूध तयार होण्यास मदत होते.

हिवाळ्यात गरोदर महिलांनी शरीराला हायड्रेट ठेवणे खूप गरजेचे असते. यासाठी भरपूर पाणी प्या. यासोबतच तुम्ही लिंबू पाणी, ताक आणि भाज्यांचा रस देखील पिऊ शकता. टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.