Satara news : 'यळकोट- यळकोट जय मल्हार'च्या जयघोषात पार पडला खंडोबा–म्हाळसा विवाह सोहळा; लाखो भाविकांची उपस्थिती

Satara news : भंडार–खोबरे उधळत खंडोबा–म्हाळसा विवाह सोहळा पार पडला

Satara news

यळकोट… यळकोट… जय मल्हारच्या गजरात कराड तालुक्यातील पाली येथे खंडोबाची यात्रा भक्तिभावाच्या वातावरणात शांततेत पार पडली.

आज यात्रेचा मुख्य दिवस होता. खंडोबा–म्हाळसा विवाह सोहळा पारंपरिक पद्धतीने संपन्न झाला.

महाराष्ट्र–कर्नाटकातील बारा बलुतेदार समाजाचे कुलदैवत असलेल्या पालीच्या खंडोबाच्या दर्शनासाठी पहाटेपासून भाविकांची मोठी गर्दी झाली होती.

नदीच्या वाळवंटात भाविकांनी जागरण–गोंधळ घालत आपल्या घरच्या देवांची पूजा केली.

परंपरेनुसार खंडोबा देव रथामधून मानकऱ्यांसह नदीपलीकडील पाली गावात विवाहस्थळी नेण्यात आला.

मानकऱ्यांच्या उपस्थितीत, यळकोट–यळकोट जय मल्हारच्या गजरात भंडार–खोबरे उधळत हा विवाह सोहळा पार पडला.

पौष पौर्णिमेच्या मृग नक्षत्रातील गोरज मुहूर्तावर पार पडलेल्या या यात्रेला हजारो भाविकांनी उपस्थिती लावत भक्तीचा अनुभव घेतला.