एक्स्प्लोर

Hot Weather Precautions : एप्रिल ते जून दरम्यान पडणार तीव्र उष्णता, उष्णतेच्या लाटेपासून बचाव करण्यासाठी करा या गोष्टी

यावर्षी एप्रिल ते जून दरम्यान तीव्र उष्णता असणार आहे. तापमान सरासरीपेक्षा जास्त राहण्याची शक्यता आहे!

By : abp majha web team | Updated at : 02 Apr 2024 12:23 PM (IST)

भारतीय हवामान खात्याने यंदा उन्हाळ्याचा इशारा दिला आहे. ज्यामध्ये त्यांनी सांगितले आहे की, यावर्षी एप्रिल ते जून दरम्यान तीव्र उष्णता असणार आहे. तापमान सरासरीपेक्षा जास्त राहण्याची शक्यता आहे. आयएमडीच्या म्हणण्यानुसार, उष्णतेच्या लाटेचा सर्वाधिक फटका मध्य भाग, उत्तरेकडील मैदानी भाग आणि दक्षिण भारतातील अनेक भागांना बसणार आहे.(Photo Credit : pexels )

1/8

एप्रिल महिन्यात भारतात उन्हाळ्याचा हंगाम सुरू होतो. त्यामुळे जुलैमध्ये मान्सून आल्यानंतरच काहीसा दिलासा मिळाला असला तरी यंदा एप्रिलच्या पहिल्या आठवड्यात उन्हाचा चटका वाढू लागला आहे. भारतीय हवामान शास्त्र विभागाने (आयएमडी) एप्रिल ते जून तिमाहीचा हवामान अंदाजही जाहीर केला आहे. (Photo Credit : pexels )

2/8

आयएमडीने एप्रिल-जून 2024 या तिमाहीचा हंगामी अंदाज जाहीर केला आहे, जो धक्कादायक आहे. यामध्ये त्यांनी सांगितले आहे की, यावेळी तीव्र उष्णतेची शक्यता आहे. आयएमडीने अहवाल दिला आहे की एप्रिल ते जून दरम्यान अल निनोचा प्रभाव तटस्थ राहण्याची शक्यता असली तरी या काळात उत्तर, दक्षिणेच्या काही भागात तीव्र उष्णता राहील.(Photo Credit : pexels )

3/8

दक्षिण, पूर्व भारत, मध्य भारत आणि वायव्य भारतातील मैदानी भागात सर्वाधिक उष्णतेची लाट जाणवेल, असा अंदाज आयएमडीने व्यक्त केला आहे. उत्तर ओडिशा, पश्चिम हिमालयी भागात कमाल तापमान सामान्य किंवा सरासरीपेक्षा कमी राहण्याची शक्यता आहे. (Photo Credit : pexels )

4/8

हवामान खात्याने देशातील अनेक भागात 10 ते 20 दिवस उष्णतेची लाट येण्याचा अंदाज वर्तवला आहे. झारखंडच्या काही भागात 4 एप्रिलपासून उष्णतेच्या पहिल्या लाटेचा इशारा देण्यात आला आहे, तर काही जिल्ह्यांमध्ये कमाल तापमान 40 अंश सेल्सिअसपर्यंत जाण्याची शक्यता आहे. (Photo Credit : pexels )

5/8

शरीर हायड्रेटेड ठेवा. यासाठी दिवसभरात 7 ते 8 ग्लास पाणी, ताज्या फळांचा रस आणि नारळाचे पाणी प्यावे.तसेच फारशी गरज नसेल तर घराबाहेर पडू नका. गरज पडल्यास छत्री घेऊन बाहेर पडा.(Photo Credit : pexels )

6/8

उष्णतेच्या लाटेत जास्त शारीरिक हालचाली करू नका ,बाहेर पडताना तोंड झाकून ठेवा.सैल-फिटिंग आणि हलक्या रंगाचे कपडे घाला.उन्हात बाहेर पडण्यापूर्वी सनस्क्रीन लावा.रिकाम्या पोटी उन्हात बाहेर पडू नका.(Photo Credit : pexels )

7/8

उष्णतेबरोबरच आयएमडीने पावसाचा अंदाजही वर्तवला आहे. वायव्य भारतातील बहुतांश भाग आणि मध्य भारत, उत्तर द्वीपकल्पीय भारत, पूर्व आणि ईशान्य भारतातील अनेक भागांमध्ये पाऊस सामान्य किंवा सरासरीपेक्षा जास्त राहण्याची शक्यता आहे. तर पूर्व आणि पश्चिम किनारपट्टी, पूर्व आणि ईशान्य भारताचा काही भाग आणि पश्चिम मध्य भारतात सरासरीपेक्षा कमी पाऊस पडू शकतो.(Photo Credit : pexels )

8/8