Plane book for Yatra Kolhapur : भादवणकरांचा नाद खुळा, गावच्या यात्रेला थेट विमान बूक, मुंबईतून रवाना

Plane book for Yatra Kolhapur : भादवणकरांचा नाद खुळा, गावच्या यात्रेला थेट विमान बूक, मुंबईतून रवाना

मुंबई (Mumbai) राहणाऱ्या माणसांना गावाची ओढ प्रचंड असते.... सणवार किंवा यात्रा आली की हमखास मुंबईकर मुंबईकरांची पाऊलं गावाकडे वळतात... पण गावाकडे जाताना संपूर्ण विमान बुक केल्याचं तुम्ही कधी ऐकलयं का?? हो असं घडलंय...  मुंबईत राहणाऱ्या कोल्हापूर जिल्ह्यातील ग्रामस्थांनी यात्रेला जाण्यासाठी चक्क विमान बुक केलं... कोल्हापूर (Kolhapur) जिल्ह्यातील भादवणच्या नागरिकांनी मुंबईतून यात्रेला गावाकडे येण्यासाठी चक्क विमान बुक केलं (Plane book for Yatra) होतं. आज ते विमानाने गावाकडे पोहोचले आहेत. 

कोल्हापूर विमानतळावर दाखल होताच गावकऱ्यांनी महालक्ष्मीचा जयघोष

गावच्या यात्रेला जायचं असेल तर तुम्ही काय करणार??? एक तर तुम्ही स्वतःची गाडी घेऊन जाल किंवा मुंबईत असाल तर ट्रॅव्हल्सने गावाकडं याल.. पण कोल्हापूर जिल्ह्यातील भादवणच्या नागरिकांनी मुंबईतून यात्रेला गावाकडे येण्यासाठी चक्क विमान बुक केलं आणि आज कोल्हापूर विमानतळावर हे गावकरी दाखल झाले आहेत... महाराष्ट्रातील भादवण हे एकमेव गाव असेल की ज्या गावातील नागरिकांनी यात्रेला जाण्यासाठी थेट विमानाचा वापर केला.... कोल्हापूर विमानतळावर दाखल होताच गावकऱ्यांनी महालक्ष्मीचा जयघोष केला... पण यात्रेला विमानाने यायची संकल्पना नेमकी कशी सुचली ते देखील जाणून घेऊयात...

बी आर पाटील यांनी गावकऱ्यांच्या ग्रुपवर ही संकल्पना मांडली... त्याच्यानंतर सगळ्यांनीच याला होकार दर्शवला... नावाची नोंद सुरू झाली आणि बघता बघता संपूर्ण विमान फुल्ल झालं... अनेकांचा हा विमान प्रवास पहिलाच होता गावाकडची काही हौशी मंडळी मुंबईत गेली आणि मुंबईतून विमानाने यात्रेला आली...